دليلك لويك إند سعيد: عسيلي وكايروكي والمولوية المصرية.. وحفلات أكتر
must الجمهورية المولوية المصرية المينا باند بدايات بلقيس بلوز بهججة جاز دار الاوبرا دراويش ابو الغيط درب 1718 روك زار ساقية الصاوي صوفي عسيلي فريق فيستيفال قرار ازالة كايروكي كوحيتي محمود العسيلي مسرح الضمة مشروع ملاذ موسيقى هوس ويك اند يحيى خليلCairo 360
خلاص دخلنا في الويك إند.. يبقى ندخل في المفيد، ونعرف هنخرج فين وهنقضيه إزاي:
نبدأ بالنهارده الخميس، مع الموسيقار “يحيى خليل” اللي هيقدم حفلة جاز في دار الأوبرا المصرية. الحفلة هتبدأ الساعة 8 مساءً.
فرقة “دراويش أبو الغيط” هتقدم حفلة حفلة زار مع الفنون الصوفية، على مسرح الضمة في عابدين. الحفلة هتبدأ الساعة 8 مساءً. وسعر التذكرة: 40 جنيه.
وعلى مسرح الحكمة في ساقية الصاوي، هيكون ميعادنا مع باند “قرار إزالة“. وحفلة غنائية هتبدأ الساعة 7 مساءً. وسعر التذكرة: 50 جنيه.
نروح ليوم الجمعة، واللي هيكون فيه حفلة غنائية مميزة جدًا في جامعة MUST، هيحييها محمود العسيلي وفريق كايروكي. الحفلة هتبدأ الساعة 6 مساءً.
مزيج من الروك واللحن الشري والأفريقي، هيقدمه “باند كوحيتي” في بدايات. الحفلة هتبدأ الساعة 7 مساءً. وسعر التذكرة: 45 جنيه.
فرقة “ملاذ” هتقدم حفلة روك عربي على مسرح النهر في ساقية الصاوي. الحفلة هتبدأ الساعة 6:30 مساءً. وسعر التذكرة: 50 جنيه.
كده وصلنا ليوم السبت، ولازم يكون ختامها مسك بقى. علشان كده مركز درب 1718 هيستضيف حفلة “الفيستيفال“. واللي هيكون فيها فرقة كتيرة منها: بهججة، المينا، هوس. الحفلة هتبدأ الساعة 5 مساءً.
في رووم آرت سبيس هنشوف ونسمع “مشروع بلقيس“، اللي هتقدم مزيج من الموسيقى البديلة والبلوز والشرقي. الحفلة هتبدأ الساعة 9 مساءً. وسعر التذكرة: 75 جنيه.
أجمل الأناشيد الصوفية هنسمعها من فرقة “المولوية المصرية” على مسرح الجمهورية. الحفلة هتبدأ الساعة 8 مساءً.
الإيفينتس دي وأكتر في كل أيام الويك إند، تقدروا تعرفوها من هنا.