دليلك لويك إند سعيد: غنا وسينما ومسرح في أول ويك إند في 2018
Cairo 360
سنة الجديدة بدأت، وبدأت معاها تجارب وفرص مهم جدًا إنك تخوضها في حياتك، وفي أول ويك إند في 2018 اختارنا لكم أهم الأنشطة الفنية والثقافية اللي هتحصل في القاهرة.. جاهزين؟
نبدأ بالنهارده يوم الخميس، وفرقة الطنبورة البورسعيدية، هتقدم حفلة موسيقية على مسرح الضمة.
أما في مركز سيما في وسط البلد هيعرض فيلم “Loveless”. والدخول مجاني.
ومسرح العرائس في الساقية هيعرض لنا حفلتين لعرض “أم كلثوم تعود من جديد” على مسرح الحكمة بساقية عبد المنعم الصاوي، حفل سيبدأ الساعة 6 وحفل الساعة الـ 8. وسعر تذكرة الحفل 25 جنيه.
برضه إسلام فهمي والفرقة هيقدموا حفلة غنائية في علبة ألوان. وسعر التذكرة: 75 جنيه.
وننتقل ليوم الجمعة، وهتلاقوا في علبة ألوان حفلة جاز فيها فنانين مختلفين. وسعر التذكرة: 100 جنيه.
كمان فريق Paranoid Eyes هيقدم حفلة غنائية في رووم آرت سبيس. وسعر التذكرة: 50 جنيه.
أما لو عاوزين تجربوا حاجة مختلفة فمركز جسور الثقافي هيستضيف حفلة دايرة الطبول، مع مصطفى بكار. وسعر التذكرة: 30 جنيه.
وبرضه فريق ريسيتال ثنائي العود هيكون على المسرح الصغير في دار الأوبرا المصرية.
ونختم بيوم السبت، ورووم هتستضيف حفل للفنانة السودانية آسيا مدني، وليلة من الفلكلور السوداني. وسعر التذكرة: 50 جنيه.
ولو بتحبوا فريق The Cadillacs هيقدم حفلة غنائية في علبة ألوان. وسعر التذكرة: 100 جنيه.
أما في مساحة مجنوليا في المعادي فهتستضيف حفلة لميرال الحسيني وعمرو عاطف. وسعر التذكرة: 50 جنيه.
ولعشاق المسرح فيه عرض مسرحي بعنوان “يوم أن قتلوا الغناء” على مسرح الجمهورية.
لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.
ويك إند سعييد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
