The Definitive Guide to Living in the Capital , Cairo , Egypt

ارمي همومك وأفرح وجرب تخرج خروجة مختلفة، ماعملتهاش قبل كده، جرب تروح سينما أو حفل باليه أو عرض من فرقة من خارج القاهرة. وده اللي بيساعدك تعمله دليل أحداث #كايرو_360.

نبدأ بالنهارده الخميس، وحفل غنائي للفنانة مي عبد العزيز في مساحة باب 18 للفنون بمصر الجديدة، وسعر التذكرة: 50 جنيه. كمان في مساحة رووم بالزمالك  فيه حفل عود خاص، وهتحييه الفنانة وعازفة العود ياسمين البرماوي. وسعر التذكرة: 50 جنيه. ده غير حفل فرقة الطنبورة البورسعيدية على مسرح الضمة بعابدين. وسعر التذكرة: 30 جنيه. هتلاقوا برضه فرقة “أطلس إنسان”  عاملة حفل غنائي في علبة ألوان بالزمالك. وسعر التذكرة: 60 جنيه.

وننتقل ليوم الجمعة، ولعشاق الأفلام روحوا أوزيريس اللي بيدعوكم لقضاء سهرة سينمائية موسيقية. مع مشاهدة الفيلم الروائي القصير “مشاهد أفلام”. إخراج أحمد حداد. سعر التذكرة: 25 جنيه. كمان  في بلكون هليوبوليس في مصر الجديدة هيعرضوا فيلم “The Lives of Others”. وسعر التذكرة: 25 جنيه. برضه كورال القاهرة  عامل حفل موسيقي بمشاركة كورال “دوزان أوتار” من الأردن، على المسرح الكبير بدار الأوبرا المصرية. وسعر التذكرة: 50 جنيه. ولعشاق الشعر المميز ما تفوتوش حفل خاص للشاعر هشام الجخ في قاعة النهر بساقية الصاوي. وسعر التذكرة من 40 لـ 85 جنيه.

ونختم بيوم السبت، وعودة لفريق كايروكي  في حفلتين وراء بعض في قاعة النهر بساقية الصاوي. وسعر التذكرة: 60 جنيه للحفل. كمان هتلاقوا في مساحة باب 18 للفنون بمصر الجديدة، حفل أغاني وموسيقى الجاز، هتقدمه نهى فكري مع رامي عطاالله وإيهاب بدر. وسعر التذكرة: 50 جنيه.

لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.

ويك إند سعيد!