دليلك لويك إند سعيد: مدحت صالح وغالية بن علي وآسيا مدني.. ونجوم أكتر في ليالي القاهرة
آسيا مدني التجربة الدنماركية القاهرة الويك إند جرامافون حفلات خروجات زجزاج عصام السواح غالية بن علي فلامنكا مدحت صالح
Cairo 360
ماتكسلش بعد الفطار وانزل واستفيد بوقتك، وعلشان نوفر عليك مجهود البحث عن أنشطة وحفلات مميزة في القاهرة، كل أسبوع بندور لكم بنفسنا عن أهم أحداث العاصمة.. تعالوا نعرفها من أجندة كايرو 360.
نبدأ بالنهارده الخميس، ولو أنت من محبي الإنشاد الديني ففرقة المرعشلي هتقدم حفلة إنشاد ديني في كونتري يارد المعادي. وسعر التذكرة: 20 جنيه.
أما لو بتحب الفن الفلكلوري ففرقة الطنبورة البورسعيدية هتقدم حفلة غنائية على مسرح الضمة في عابدين. وسعر التذكرة: 40 جنيه.
كمان عشاق الست يستعدوا لأن فيه حفل مسرح العرائس أم كلثوم تعود من جديد على مسرح الحكمة في ساقية عبد المنعم الصاوي، وسعر التذكرة 25 جنيه.
برضه آسيا مدني هتقدم الفلكلور السوداني في درب 1718. وسعر التذكرة: 60 جنيه.
وننتقل ليوم الجمعة، وحفل مختلف لزجزاج في ديستريكت مول.
أما جرامافون في المعادي فهتستضيف ليلة مميزة لعازف العود يوسف عباس.
برضه الفنان مدحت صالح هيحيي حفلة غنائية في مول مصر.
لكن لو عاوز تجرب حاجة مختلفة ومنعشة فكايرو بايك منظمة رحلة بالعجل لشارع المعز، وكمان سحور. وسعر التذكرة: 90 جنيه.
ونختم بيوم السبت، وحفل الفنانة غالية بن علي على المسرح المكشوف بدار الأوبرا المصرية.
أما رووم فهتستضيف فريق فلامنكا، اللي بيقدم ميكس من الموسيقى الإسبانية والشرقية. وسعر التذكرة: 50 جنيه.
برضه الفنان عصام السواح هيقدم حفلة غنائية في الربع. وسعر التذكرة: 25 جنيه.
لكن لو ليك في المسرح ففيه مسرحية كوميدية باسم التجربة الدنماركية على مسرح الهوسابير.
لو عاوزين تعرفوا أكثر عن الأحداث اللي بننشرها كل يوم تابعوا أجندتنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
