The Definitive Guide to Living in the Capital , Cairo , Egypt

كل يوم هو هدية مختلفة ربنا بيخلينا نعيشه علشان نقدر النعم اللي موجودة ونحاول نكتشف حاجات جديدة، والأسبوع ده إحنا بنودع سنة ونستقبل سنة كان فيها أوقات حلوة وأوقات صعبة بنتعلم منها إزاي نكون أحسن. والأسبوع ده فيه أحداث مختلفة كتير تساعدكم تستقبلوا سنة جديدة بسعادة.

 

ونبدأ بيوم الخميس، وحفل فرقة باليه أوبرا القاهرة عرض “كسارة البندق” على المسرح الكبير بدار الأوبرا المصرية. وسعر التذكرة: 75 – 100 – 150 جنيه. كمان فريق حلاوة شمسنا للمسرح هيقدم فى مكتبة مصر الجديدة العامة، العرض المسرحي “هردبيس كمان وكمان”. وسعر التذكرة: 20 جنيه. أما في مساحة في باب 18 للفنون فيه حفل غنائي لهانيا فانسا، وهتقدم في الحفل مجموعة من الأغاني والميكسات المختلفة. وسعر التذكرة: 50 جنيه. أما لعشاق الكتب فالصالون الثقافي بنقابة الأطباء “دار الحكمة” فيه ندوة مناقشة كتاب “ملوخية ودمعة”، للكاتب أسامة غريب. والدعوة عامة.

وننتقل ليوم الجمعة، ومفاجأة مع حفل فريق كايروكي على مسرح النهر بساقية الصاوي. وسعر التذكرة: 60 جنيه. وكمان في رووم آرت سبيس فريق ذا كاديلاكس عامل حفل “خلي المزيكا تكمل”. وسعر التذكرة: 50 جنيه. كمان على المسرح الصغير بدار الأوبرا المصرية فيه حفلين بعنوان “كل سنة وأنت طيب والت ديزني”. وسعر التذكرة: 50 جنيه للحفل.

ونختم بيوم السبت، وفيه في ساقية الصاوي حفل عشاء بمناسبة الاحتفال برأس السنة. والحفل هيكون فيه عرض لأجمل مقتطفات حفلات 2016. وسعر التذكرة: 65 جنيه. كمان أوركسترا القاهرة السيمفوني عامل  حفل ليلة رأس السنة على المسرح الكبير بدار الأوبرا المصرية. وسعر التذكرة: 75 – 100 – 150 جنيه. أما على مسرح الجمهورية في عابدين فيه حفل غنائي لفريق جلاس أونيون. وسعر التذكرة: 75 – 100 جنيه.

لو عاوزين تعرفوا أكثر عن الأحداث اللي بننشرها كل يوم على مدار الأسبوع، تابعوا أجندتنا.

سنة سعيدة عليكم!