The Definitive Guide to Living in the Capital , Cairo , Egypt

اهرب من روتين حياتك اليومية وجرب تخرج خروجة مختلفة عن اللي بتخرجهم عادة، هتفصل وتغير مودك وتنبسط، وده اللي بنحاول نعمله كفريق #كايرو_360 في دليلك لويك إند سعيد.

نبدأ بالنهارده يوم الخميس، فرقة المسرح الغنائي المصري، هتقدم المسرحية الغنائية “ليلة”، على مسرح الماركيي “The Marquee” بكايرو فستيفال سيتي. وسعر التذكرة من 50 لـ 350 جنيه. كمان فريق “شهيرة كمال” هيقدم حفل غنائي في درب 1718، بمصر القديمة. سعر التذكرة: 50 جنيه. أما لمحبي الموسيقى الكلاسيكية فالفنان يحيى خليل، عامل حفل موسيقي على المسرح الصغير، بدار الأوبرا المصرية. وسعر التذكرة: 75 جنيه. برضه فريق “الحزب الكوميدي” عامل عرض ستاند أب كوميدي، في علبة ألوان بالزمالك. وسعر التذكرة: 60 جنيه.

وننتقل ليوم الجمعة،  وهتلاقوا في مساحة رووم بالزمالك، حفل غنائي لفريق “بارانويد آيز”. وسعر التذكرة: 50 جنيه. أما في مساحة بلكون هليوبوليس، بمصر الجديدة، هيعرضوا فيلم “Moonlight”. وسعر التذكرة: 25 جنيه. وفي مجنوليا بالزمالك فريق “عرضي” عامل  حفل موسيقي. وسعر التذكرة: 30 جنيه.

ونختم بيوم السبت، هيحيي فريق ريق “طرباند” حفل غنائي، على مسرح الجنينة بحديقة الأزهر. وسعر التذكرة: 50 جنيه. كمان فريق “يوركا” عامل حفل موسيقي بعنوان (غجرية)، على المسرح المكشوف بدار الأوبرا المصرية. وسعر التذكرة: 50 جنيه. ولعشاق السينما  هتلاقوا سينما مجنوليا بالزمالك، بتعرض  فيلم “The Paradise Suite”. الدخول مجانًا.

لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.