الحياة في كايرو
دليلك لويك إند سعيد: مسرح وفن وسيما وسهر.. هتلاقي كل اللي بتتمناه
African Spirit Black Mirror أفريكايرو أوبرا بنت عربي المولوية المصرية دعسوقة رووم أرت سيس ساقية الصاوي
بواسطة
Cairo 360
ويك إند جديد، يعني خروجات وسهرات مختلفة، جمعناها لك من كل حته في القاهرة، هتلاقيها في أجندتنا في “كايرو 360”.. تعالى نشوف هنروح فين الويك إند ده:
النهارده الخميس.. الساعة 7 في “ساقية الصاوي” هنستمتع بحفلة جديدة لفرقة “المولوية المصرية” بقيادة “عامر التوني”. سعر التذكرة: 57 جنيه.
الناس اللي بتحب الضحك، الساعة 8 هيكون معادها مع “ستاند أب كوميدي” هينظمه “الحزب الكوميدي” في “درب 1718” بالإضافة لفقرة “أوبن مايك”. التذكرة: 75 جنيه، واللي هيقدموا في الأوبن مايك: 40 جنيه.
من الساعة 9:30 لحد 12 بالليل، ممكن نسهر سهرة جاز رومانسية على ضفاف النيل على صوت الفنانة “ميشيل راوند” في فندق “كمبينسكي”.
يوم الجمعة.. الساعة 9 هنتقابل في “روووم آرت سبيس” فرع جاردن سيتي،علشان نسهر مع فرقة “دعسوقة” واللي تعتبر واحدة من أهم فرق الأندرجراوند في مصر. سعر التذكرة: 100 جنيه.
هنعيش ساعة من المتعة، هنتخلص فيها من كل الطاقات السلبية في “حلقة الطبول” في مركز “أفريكايرو”. سعر التذكرة: 50 جنيه. الحلقة هتبدأ الساعة 6.
“مسرح النهار” هيقدم العرض المسرحي “الجميلة والوحش” الساعة 8.. “الجميلة والوحش” أول عرض مسرحى كوميدي غنائي استعراضي فى مصر. أسعار التذاكر: 30 و50 و75 جنيه.
يوم السبت.. وكل سبت، هنتفرج على حلقة جديدة من المسلسل الإنجليزي “Black Mirror” في “دكة أضف” الساعة 5.. حلقة النهارده هي الحلقة السادسة من الموسم الثالث بعنوان “Hated in the Nation”.
مسرح السلام هيقدم العرض المسرحي الجديد “أوبرا بنت عربي” من إنتاج ” فرقة مسرح الشمس” لدمج ذوي الاحتياجات. العرض عن قبول الآخر، واختلافات الشكل واللون والنوع. أسعارالتذاكر 30 و50 و75 جنيه، وممنوع اصطحاب الأطفال أقل من 6 سنوات.
محبي الفن معادهم في “art corner” جاليري في الزمالك علشان يحضروا معرض “African Spirit“. المعرض مفتوح يوميًا ما عدا يوم الأحد من الساعة 11 الصبح.
كل ده وأكتر هتلاقوه في أجندة كايرو 360 اللي ممكن تتابعوها يوميًا من هنا.
