دليلك لويك إند سعيد: أغاني ومزيكا وستاند أب كوميدي في القاهرة
Cairo 360
الخروجات والحفلات والانبساط مش مجرد حاجة على الهامش، أو رفاهية زيادة. دي حاجة أساسية ومهمة علشان نقدر دايمًا نكمل، ونشتغل أحسن، ونطلع أحسن ما فينا. وبما إن النهارده بداية الويك إند، تعالوا نشوف هانقضيه إزاي:
نبدأ بالنهارده الخميس، وحفلة غنائية هيحييها فريق “إيجيبشن بروجيكت” في درب 1718. الحفلة هتبدأ الساعة 7 مساءً. وسعر التذكرة: 50 جنيه. في رووم آرت سبيس في الزمالك، هنعيش مع حفلة غنائية مميزة لفريق “كاركدن“. اللي هيقدم مجموعة من أغاني الفنان كات ستيفينز. الحفلة هتبدأ الساعة 8:30 مساءً. سعر التذكرة: 50 جنيه. أما عشاق الأغاني التراثية النوبية، ميعادهم مع حفلة هيحييها فريق “نوبانور” على مسرح الضمة بعابدين. الحفلة هتبدأ الساعة 8 مساءً. وسعر التذكرة: 30 جنيه.
ندخل على يوم الجمعة، هنلاقي بلكون هليوبوليس في مصر الجديدة، محضر لنا عرض فيلم “Paterson“. العرض هيبدأ الساعة 8 مساءً. وسعر التذكرة: 25 جنيه. فنان الجاز الأمريكي “آدم ميلر” هيحيي حفلة غنائية في علبة ألوان بالزمالك. الحفلة هتبدأ الساعة 8:30 مساءً. وسعر التذكرة: 60 جنيه. “نديم مختار” و”علي بهجت” هيقدموا حفلة غنائية في زجزاج بوسط البلد. الحفلة هتبدأ الساعة 10 مساءً.
أما يوم السبت، فهيكون لنا ميعاد مع حفلة لفرقة “الحضرة” على مسرح النهر في ساقية الصاوي. الحفلة هتبدأ الساعة 7:30 مساءً. وسعر التذكرة: 40 جنيه. في علبة ألوان في الزمالك، هتكون فرقة “روك روكيز” بتحيي حفلة غنائية بمجموعة من أغانيهم. الحفلة هتبدأ الساعة 8 مساءً. سعر التذكرة: 60 جنيه. أما لو عايزين شوية ضحك وفرفشة، يبقى سهرتكم في مدار بامعادي، مع عرض و “6 في مدار“. العرض هيبدأ الساعة 7:30 مساءً. وسعر التذكرة: 40 جنيه.
ويك إند مليان فرفشة يا قاهريين.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
