The Definitive Guide to Living in the Capital , Cairo , Egypt

الويك إند ده بجد مختلف، عارفين ليه؟ لأن أوله حفلات الهالوين وآخره مولد النبوي، وده طبعًا معناه أحداث كتير وفي كل مكان، المهم تختاروا منها اللي يعجبكم ويغير مودكم، وتشحنوا باور للأيام اللي جاية.. تعالوا نشوف أجندتنا محضرة لكم إيه الويك إند ده:

يوم الخميس.. الساعة 8 مساءً هيكون معادنا مع حفلة للفنان المبدع “هشام خرما” في دار الأوبرا المصرية. سعر التذكرة 160 جنيه.

أول حفلات الهالووين هتكون حفلة  After Dark اللي هتنقلنا لمستوى تاني من الرعب مع أضواء وأجواء رقص ولبس مخيف وموسيقى هتغير المود، وكل ده هتلاقوه في كايرو فيستيفال سيتي. الحفلة هتبدأ الساعة 9 باليل. سعر التذاكر 400 و500 جنيه.

كمان لو بتحبوا تحتفلوا بس على الهادي، تقدروا تحضروا حفلة الفنان الكبير “على الحجار” الساعة 8 مساءً، في أوبرا جامعة مصر للعلوم. أسعار التذاكر 300 و400 و500 و600 جنيه.

يوم الجمعة.. الساعة 8 هتنطلق أول حفلة من حفلات “مهرجان الموسيقى العربية” واللي هتكون للكينج “محمد منير” في دار الأوبرا المصرية، وسعر التذاكر ( 500- 750 – 1500).

 يوم مزيكا شرقية شعبية مش طبيعية هتجمع مابين الشرقي والشعبي “في الميكس” الساعة 7 في الجامعة الأمريكية في التحرير. سعر التذكرة 200 جنيه.

وكمان تقدروا تحضروا حفلة لـ فرقة دعسوقة في “رووم آرت سبيس” فرع جاردن سيتي الساعة 9 بالليل، وسعر التذكرة 100 جنيه.

يوم السبت.. ممكن تستمتعوا في حفلة “أسياد الزار” على مسرح الضمة الساعة 8 مساءً. سعر التذكرة 50 جنيه.

أما الناس اللي غاوية حكاوي، فيقدروا يحضروا مع سارة فؤاد ويسمعوا ويحكوا حواديت من ألف ليلة وليلة في مركز الكنبجية من الساعة 6:30 للساعة 9:30.

الساعة 8:30 فرصة رومانسية للعشاء على أنغام الموسيقى اللي هيقدمها فريق Wave Jazz Band في روم آرت سبيس التجمع الخامس. الحد الأدنى للفرد 100 جنيه.