دليلك لويك إند سعيد: نجوم.. حفلات.. أغاني.. وكمان أنشطة رياضية
Gravy Train Marathon Cairo Team Bike The Fall الان بيشوب الضمة الكف الاسواني جنان حفلة دوار روك رووم ساقية الصاوي شارع المعز عابدين عجلة علي الحجار فيلم قعدة غنا مسرح موسيقى ويك اند
Cairo 360
في آخر يوم شغل بيبقى المود مختلف، علشان ده بيكون بداية ويك إند مليان فرفشة. يلا بينا نشوف حفلات الأسبوع ده:
النهارده الخميس، ميعادنا مع حفلة غنائية هتقدمها فرقة “الكف الأسواني“، على مسرح الضمة في عابدين. الحفلة هتكون بقيادة المطرب محمود الإدفاوي. هتبدأ الساعة 8 مساءً، وسعر التذكرة: 40 جنيه.
سينما نون هتعرض فيلم “The Fall“. اللي بيدور عن ممثل مشاهد خطرة، بيقابل بنت صغيرة في مستشفى. وبيحكيلها قصة خيالية مثيرة. العرض هيبدأ الساعة 6 مساءً. والدخول مجانًا.
فرقة “Janan” هتقدم أغاني البوب روك في رووم آرت سبيس. الحفلة هتبدأ الساعة 9 مساءً. وسعر التذكرة: 75 جنيه.
نروح ليوم الجمعة، اللي هيكون مليان همة ونشاط مع رايد بالعجل، بتنظمه “Team Bike” في شارع المعز. والرايد هتبدأ الساعة 7 صباحًا.
وللناس اللي بتحب الجري، “Marathon Cairo” عاملة ماراثون في حديقة المسلة في الزمالك. هيبدأ الساعة 5 صباحًا.
فريق “Gravy Train” هيقدم أغاني بينك فلويد في رووم آرت سبيس. الحفلة هتبدأ الساعة 9 مساءً. وسعر التذكرة: 75 جنيه.
أما يوم السبت هيكون فيه حفلة للفنان “علي الحجار“، على مسرح النهر في ساقية الصاوي. الحفلة هتبدأ الساعة 9 مساءً.
سهرة موسيقية مميزة هيقدمها الفنان “ألان بيشوب” في رووم آرت سبيس. الحفلة هتبدأ الساعة 9 مساءً. وسعر التذكرة: 75 جنيه.
لو بتحبوا تغنوا حتى وانتوا مش حافظين الأغاني، دوار هيستضيف “قعدة غنا” جماعي. كل الموجودين هيغنوا فيها مع بعض وينبسطوا. الحفلة هتبدأ الساعة 6 مساءً.
كل ده وحفلات تانية أكتر هتلاقوها في أجندة كايرو 360 من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
