دليلك لويك إند سعيد.. “هشام خرما” و”المولوية” و”الحضرة” وحفلات أكتر في القاهرة
أين تذهب هذا المساء الأوبرا حفلات حفلة رووم آرت سبيس ساقية الصاوي سهرة مغنى ويك اند
Cairo 360
الويك إند هو مصدر الطاقة الأساسي اللي بيرجعكم أقوى للشغل من جديد، وعلشان المصدر ده يفضل شغال كويس ومايقفش، لازم يتعمل له ريفريش جميل، والنهاردة هنقولكم إيه الحفلات والإيفينتات والذي منه اللي تخليكم تجددوا الطاقة علشان أسبوعكم الجاي يكون مليان نشاط وحيوية.
نبدأ بالنهارده الخميس.. هيكون موعدكم الساعة 7 مساءً لو بتحبوا الفلكلور الصعيدي والفلاحي مع الفنانة نجوى فارس في مركز الربع الثقافي بتذكرة سعرها 40 جنيه.
أما ساقية الصاوي فهتقدم حفلة للفنان هشام خرما الساعة 8 مساءً، وأسعار التذاكر هتكون 127، 147، و167 جنيه.
وكمان في نفس التوقيت هيكون فيه عرض مسرحيتين في مركز مولانا الثقافي بسعر 50 جنيه للتذكرة، ومدة كل مسرحية 35 دقيقة.
أما يوم الجمعة.. فهيكون الساعة 7 حفلة ميعادنا مع فرقة الحضرة للإنشاد الصوفي في ساقية الصاوي بتذكرة سعرها 82 جنيه.
وفي نفس التوقيت هيتواجد الفنان الشاعر مروان صبحى اللي هيقدم حفلة شعر غنائي لمدة 3 ساعات بتذكرة سعرها 57 جنيه.
والساعة 8 هيكون موعدكم مع مولانا عامر التوني وفرقته المولوية المصرية وإنشاد وتواشيح خاصة على مسرح الجمهورية بتذكرة سعرها 60 و85 جنيه.
ندخل بقى على يوم السبت.. حفلة جديدة غنائية لفريق قافية باند في ساقية الصاوي بتذكرة سعرها 57 جنيه الساعة 7:30 مساءً.
والساعة 9 فريق توم توم باند هيبدع في رووم آرت سبيس جاردن سيتي بسعر 100 جنيه للتذكرة.
أما أصحاب الهمم من متحدي الإعاقة فليهم قعدة غناء مخصوص في مركز جسور الزمالك الساعة 6 مساءً، مجانًا.
ولو محتاجين أحداث أكتر وإيفنتات مختلفة تقدروا تشوفوها من أجندتنا هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
