دليلك لويك إند سعيد: وسط البلد والمولوية ودعسوقة وكاريزما باند.. وحفلات أكتر في القاهرة
Cairo 360
كل يوم حكاية جديدة لسه مابدأتش محتاجة منك شوية إصرار علشان تكتب تفاصيلها، وكل يوم عندك فرصة تجرب حاجات جديدة، تخرج وتكتشف الحياة، والأسبوع ده جمعنا لكم أهم الأحداث اللي هتحصل في الويك إند ده في القاهرة.
نبدأ بالنهارده الخميس، وحفل المولوية المصرية بقيادة عامر التوني على مسرح النهر في ساقية عبد المنعم الصاوي.
وبرضه في الساقية مسرح العرائس هيقدم لنا حفل جديد لعبد الحليم حافظ على مسرح الحكمة بساقية عبد المنعم الصاوي، وسعر التذكرة 15 جنيه لأعضاء الساقية و20 جنيه لغير الأعضاء.
كمان فريق بارانويد أيز هيقدم حفلة غنائية في مركز درب 1718. وسعر التذكرة: 50 جنيه.
أما مشروع سرور فهيقدم حفلة غنائية في علبة ألوان. وكمان في فقرات تانية كتير. وسعر التذكرة: 100 جنيه.
وننتقل ليوم الجمعة، وحفل فرقة إيجيبشن بروجكت على مسرح النهر في ساقية عبد المنعم الصاوي.
أما دا هاوس في الدقي فهيستضيف حفلة غنائية لكاريزما باند. وسعر التذكرة: 40 جنيه.
كمان فريق إستابينا هيقدم حفلة غنائية في جرامافون. وسعر التذكرة: 50 جنيه.
برضه فريق دعسوقة هيقدم حفلة غنائية في رووم آرت سبيس. وسعر التذكرة: 50 جنيه.
ونختم بيوم السبت، وحفل فرقة وسط البلد على مسرح النهر في ساقية عبد المنعم الصاوي.
كمان فيه حفل أوركسترا القاهرة السيمفوني على المسرح الكبير في الأوبرا.
أما أوزيريس فبيدعوكم لمشاهدة فيلم “Loving Vincent”.
كمان هتلاقوا في جرامافون في المعادي ورشة لتعليم الطبلة للمبتدئين. وسعر الورشة: 400 جنيه للفرد.
أما لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
