The Definitive Guide to Living in the Capital , Cairo , Egypt

اللحظة اللي بنستناها كل بداية الأسبوع وصلت .. وبقينا في الويك إند .. والويك إند محتاج إيه غير أجندة كايرو 360 تعالوا نعرف هنخرج فين من الخميس للسبت؟

النهارده الخميس ماتفوتوش حفلة المايسترو “يحيى خليل” الساعة 7:30 في دار الأوبرا المصرية على المسرح الصغير.

كمان ممكن نفرفش في بيت السناري الساعة 8 على ميكس بين الغناء الشعبي التراثي مع فرقة الشيخ “زين محمود” و موسيقى الروك مع “Jucifer Band”. الحضور مجاناً.

لو مالكش في الهيصة والموسيقى فرقة “Sacékripa” الفرنسية هتقدم العرض المسرحي الفرنسى الصامت “ڤو”  الساعة 6:15 على مسرح الهناجر في دار الأوبرا.

لو هتأنتخ في البيت الخميس بعد يوم شغل طويل .. مافيش مشكلة .. تعالى نشوف ممكن نعمل إيه الجمعة:

الجمعة دي “نوران أبوطالب” هتقدم حفلة جديدة الساعة 9 في “رووم آرت سبيس” . سعر التذكرة: 75 جنيه.

الساعة 8 في “علبة ألوان” فرقة “الطنبورة” البورسعيدية هتقدم حفلة غنائية فلكولورية جديدة . سعر التذكرة: 100 جنيه.

بنفكركم بالمعرض الفني “تجاعيد” الموجود في متحف قصر “محمد علي” في المنيل.

نوصل لآخر يوم من أيام الويك إند.. السبت:

الساعة 8 هنكون على موعد مع فريق The Hues (مريم غريب وخالد عجاتي)، وحفلة غنائية في “علبة ألوان” . سعر التذكرة: 100 جنيه.

السبت 16 مارس هيكون آخر يوم من أيام مهرجان القاهرة للكوميدي في 9 شارع عادلي. ماتفوتوش الفرصة دي للضحك والتهييس.

وأخيراً .. فريق “الصافي” المكون من 4 موسيقيين مصريين هيقدموا مزيج من الروك البديل والموسيقى الشرقية في “رووم”. سعر التذكرة: 75 جنيه.

لسه أجندة كايرو 360 ما خلصتش ..ادخل وتابع وشوف أجندتنا في كل يوم من أيام الأسبوع من هنا.