The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد.. 7 مسرحيات تقدروا تتفرجوا عليهم في القاهرة

أحمد خالد توفيق الأيام الخيميائي الملك لير الهوسابير حفلات خيبتنا سمير غانم شيرين كايرو شو محمد صبحي مسرح مسرحية ويك اند يحي الفخراني يوتوبيا
دليلك لويك إند سعيد.. 7 مسرحيات تقدروا تتفرجوا عليهم في القاهرة
بواسطة
Mohamed Talaat

الويك إند المرة دي مختلف شوية، لإننا قررنا نسيب الحفلات والسهر ونقدم لكم حاجة جديدة تغيروا بيها مودكم بشكل كامل، وممكن تجربة ماتتنسيش لأي حد، وأهو بالمرة نشجعكم على إنكم تاخدوا خطوة “للمسرح”، وعلشان كده هنقولكم على تفاصيل أشهر وأفضل 7 مسرحيات هتقدروا تتفرجوا عليهم في القاهرة:

الزهر لما يلعب:

 بعد 40 سنة من أول لقاء بيجمع بين السوبر ستار الكوميديان “سمير غانم” والفنانة “شيرين” واللي كان في مسرحية “المتزوجون” سنة 1979، هنشوفهم تاني على خشبة المسرح في العرض المسرحي “الزهر لما يلعب” واللي هيبدأ عرضه من يوم 23 يناير لحد 31 يناير، على مسرح مكتبة مصر الجديدة، وهيكون من بطولة إيمي طلعت زكريا، ورضا حامد، ومن إخراج “طارق الإبياري”. أسعار التذاكر هتبدأ من 150 جنيه لحد 500 جنيه على حسسب المكان. تقدروا تحجزوا من هنا.

أنا والنحلة والدبور:

مسرحية جديدة للفنان “محمد صبحي” هيقدمها لنا على مسرح “سما”، في مدينة سنبل الفنية، في الفترة من 23 يناير لحد 31 يناير، وفيها بيعتمد نجم المسرح على فرقته “ستوديو الممثل” وهيشاركه البطولة “عبدالرحيم حسن” و”سماح السعيد” و”عبير فاروق” و”حازم القاضي” و”ميرنا زكري” ومعاهم الطفلين “بيلار أحمد سامي” و”عبدالرحمن محمود”. أسعار التذاكر من 200 لحد 700 جنيه، والحجز متاح من هنا.

الملك لير:

واحدة من أعظم المسرحيات اللي اتقدمت على خشبة المسرح خلال الكام سنة اللي فاتوا، بيقدمها لنا المبدع دائمًا الفنان “يحي الفخراني”، واللي بيقدم آداء مبهر للجميع خلال المسرحية. مواعيد العرض هتكون من يوم 23 يناير لحد 31 يناير، على مسرح “كايرو شو” في كيرو فيستفال – القاهرة الجديدة، وبيشاركه في البطولة “أحمد فؤاد سليم” “رانيا فريد شوقي” و”ريهام عبد الغفور”  و”هبة مجدي”، وهي من إخراج “تامركرم”. أسعار التذاكر تبدأ من 150 جنيه حتى 750 جنيه، والحجز من هنا.

الأيام:

وهي أول مسرحية ترفيهية تعليمية في مصر، ومأخوذة من رواية عميد الأدب العربي “طه حسين”، وهي عبارة عن حكي لقصة الأيام المقررة على الثانوية العامة لتسهيل تعليم الطلبة، ونجحت نجاح باهر على الرغم ان كل من فيها طلبة غير معروفين. هيكون العرض على المسرح الذهبي في الجيزة، وسعر التذكرة 150 جنيه، والحجز من هنا.

خيبتنا:

من يوم 25 يناير ولحد 1 فبراير، هيكون ميعادكم بردوا مع الفنان محمد صبحي وعودة عروض مسرحية “خيبتنا” اللي هتكون على مسرح “سما” في دينة سنبل، وهي بتتكلم عن الأحداث اللي بتحصل في الوطن العربي، وهيشارك في البطولة “سماح السعيد”، و”سميرة عبد العزيز”، و”بوسى الهوارى”، و”ميرنا زكرى” و”عبير فاروق” و”شوقى طنطاوي” و”حازم القاض، وتبدأ أسعار التذاكر من 200 جنيه، وتوصل لـ700 جنيه، وتقدروا تحجزوا من هنا.

الخيميائي:

فرقة “فن محوج” الغنية عن التعريف هتقدم عرض مسرحي يوم الخميس 23 يناير بعنوان “الخيميائي” وهو مأخوذ من رواية الكاتب العالمي “باولو كويلو” بنفس الإسم. المسرحية من إخراج “محمود عبد العزيز” وهتتعرض على مسرح الهاسوبير في وسط البلد، الساعة 7 مساءً. أسعار التذاكر هتكون من 50 لحد 75 جنيه، والحجز من هنا.

يوتوبيا:

هي مسرحية أحداثها متاخدة من واحدة من أجمل روايات الدكتور “أحمد خالد توفيق” وبتحمل نفس الإسم، وهيتم عرضها يوم الجمعة 24 يناير  على مسرح “الهوسابير” في وسط البلد، وهيقدمها فريق “فن محوج” اللي أثبت جدارته خلال السنين اللي فاتت على خشبة المسرح، وأحداث المسرحية معتمدة على الخيال العلمي، وهي من إخراج “محمود عبد العزيز”، وهيكون فيه عرضين الساعة 5 والساعة 7 وسعر التذاكر 50، 75،1 100 والحجز من هنا.

مقترح