The Definitive Guide to Living in the Capital , Cairo , Egypt

الحياة في كايرو

دليل الويك إند.. رامي صبري وكايروكي ومسار إجباري وأكثر.. خروجات وأحداث ماتتفوتش!

أنيميشن القاهرة بازار حفلات حفلة رامي صبري حفلة كايروكي حفلة مسار إجباري خروجات رمضان رمضان 2025 عروض فن مهرجانات موسيقى
دليل الويك إند.. رامي صبري وكايروكي ومسار إجباري وأكثر.. خروجات وأحداث ماتتفوتش!
بواسطة
Cairo 360

جاهز للويك إند؟ القاهرة مش هتسيبلك لحظة فاضية! من عروض الأنيميشن العالمية، للحفلات الموسيقية اللي هتشعل الأجواء، لأسواق البازار والتسوق اللي هتحسسك بروح رمضان من دلوقتي! لو بتدور على خروجة مختلفة، أو حفلة تفضل فاكرها، أو حتى مساحة فنية تلهمك، الجدول ده معمول علشانك. جمع صحابك، خطط جدولك، واستعد لأحداث مش هتتنسي!

 

الخميس 20 فبراير 2025

عشاق الأنيميشن.. ماتضيعوش Animatex!
من 20 لـ 24 فبراير، الجامعة الأمريكية في التحرير هتستضيف النسخة الخامسة من Animatex، أكبر مهرجان للرسوم المتحركة في مصر! استعدوا لجرعة ضخمة من الإبداع مع أكتر من 10 أفلام طويلة، و100 فيلم قصير في المنافسة، غير ورش العمل، الحلقات النقاشية، وعروض الواقع الافتراضي. المهرجان كمان فيه منطقة ألعاب وبرنامج للأطفال، فسواء كنت صانع محتوى، فنان، أو حتى محب للأنيميشن، التجربة دي هتكون مختلفة تمامًا! تفاصيل أكثر هنا.

“زبيدة”.. عرض موسيقي ياخدك لعالم تاني
لو بتحب العروض الموسيقية اللي ليها طابع ساحر، متفوتش “زبيدة” في ساحة روابط للفنون.. تحفة موسيقية بكل المقاييس! تفاصيل أكثر هنا.

كوميديا لايف لأول مرة في تياترو أركان
استعدوا لليلة مليانة ضحك مع عرض استوديو الاثنين، يوم 20 فبراير في مسرح تياترو أركان! العرض هيكون تفاعلي، بمشاركة أحمد مجدي وأحمد حسن، وفيه مواقف غير متوقعة هتخليك جزء من الحدث. تفاصيل أكثر هنا.

 

الجمعة 21 فبراير 2025

رامي صبري يشعل الأجواء في فاميلي بارك
حفلة من العيار التقيل! رامي صبري هيكون معاكم في فاميلي بارك، بأجمل أغانيه وأجواء كلها طاقة وحماس.. ليلة موسيقية متتفوتش! تفاصيل أكثر هنا.

مسار إجباري في جامعة النيل
الفرقة اللي غيرت شكل المزيكا البديلة في مصر جاية لكم في حفلة استثنائية! مسار إجباري هيقدموا ليلة مختلفة بأغانيهم المميزة اللي بتمزج بين الروك والموسيقى الشرقية، في أجواء حماسية لا تُنسى. تفاصيل أكثر هنا.

كايروكي في النهر الأخضر
استعدوا لحفلة كايروكي في العاصمة الإدارية الجديدة! موسيقى، إيقاع، وطاقة هتفجّر المكان.. لو إنت من عشاقهم، متفوتش الفرصة دي! تفاصيل أكثر هنا.

 

السبت 22 فبراير 2025

“ما وراء السطور”.. لعشاق الفن
لو بتدور على جرعة فن مختلفة، آخر فرصة لزيارة معرض “ما وراء السطور” في جاليري النيل، المعرض شغال من 2 فبراير وهيقفل أبوابه 22 فبراير.. روح وشوف الفن من زاوية جديدة! تفاصيل أكثر هنا.

روح رمضان في أوسانا بازار
استعدوا لأجواء دافئة في بازار روح رمضان يوم 22 فبراير من 11 صباحًا لـ 5 مساءً! تجربة مختلفة تجمع بين المنتجات المحلية، التأمل، اليوجا، ودائرة موسيقية مميزة.. فرصة جميلة لاستقبال رمضان بروح جديدة! تفاصيل أكثر هنا.

ذا جاردن ماركت.. تسوق وهدايا مميزة!
يومي 21 و22 فبراير في بارك مول، القاهرة الجديدة، ذا جاردن ماركت هيكون مليان عروض على كولكشن الشتاء، مستلزمات رمضان، وهدايا عيد الأم! فرصة لدعم المنتجات المحلية والاستمتاع بجو تسوق ممتع.. وكمان ممكن تكسبوا هدايا مميزة! تفاصيل أكثر هنا.

خد اللي بتحبهم واخرجوا وانبسطوا.. الويك إند ده مش هيتكرر!

مقترح