The Definitive Guide to Living in the Capital , Cairo , Egypt

الحياة في كايرو

دليل كايرو 360 لأماكن عشاء وسهر وحفلات الكريسماس لعام 2014

دليل كايرو 360 لأماكن عشاء وسهر وحفلات الكريسماس لعام 2014
بواسطة
Angie El Batrawy

كل سنة وأنتم طيبين، النهارده وبكره يومين مميزين للاحتفال والخروج والزقططة، اللمة مع الأسرة أو الأصحاب، أجواء دافئة بـ تحيط بهم مغلفة بالحب والسعادة.. هى دي روح الكريسماس.. علشان كده هـ نقول لكم على الأنشطة والحفلات اللى هـ تقام للمناسبة دي، وكمان بـ تقدم إيه الفنادق والمطاعم احتفالاً بالمناسبة دي:

 

يوم الأربعاء 24 ديسمبر (ليلة رأس السنة):

نبدأها مع "فلور تن" اللى فيه ممكن تحتفل بليلة رأس السنة بشكل مختلف وتمتع بأجواء مميزة لكريسماس ما يتنسيش، كمان فى فندق دوسيت ثاني ليك فيو فيه حفل تنكرى يحييه الأخوين جودت، بالإضافة للمغنية الإنجليزية كمبرلي ألفورد.

ولمحبي الفنان أحمد حرفوش ممكن تروحوا تحضروا حفل "Dine & Dance" فى بانيه فينو بفندق سميراميس إنتركونتيننتال، ومجموعة من كلاسيكيات الكريسماس الغربية، سعر الفرد شامل العشاء 350 جنيه، أما لو عاوز أجواء فيها مزيكا ودي جي ممكن تروح أفتر 8 تحضر حفل هـ يقدمه DJ Ahmed Saleh وEllie of London، سعر التذكرة 150 جنيه.

وأخيرًا فى مطعم نابا جريل بفندق فيرمونت نايل سيتي هـ يقدم حفل مختلف بمناسبة ليلة رأس السنة، ويتضمن الحفل برنامج ترفيهي وعشاء يمكنك اختيار أطباقه من قائمة ثابتة بسعر 450 جنيه للفرد.

 

يوم الخميس 25 ديسمبر (الكريسماس):

فى ذا تاب بالمعادى هـ يحييوا حفل مميز للكريسماس يقدمه تيتو، كمان فى ساقية الصاوي حفل لفرقة "الرسالة" و"الأمراء الصغار" فى قاعة النهر.

النجمة نانسي عجرم والراقصة دينا هـ يقيموا حفل كريسماس مختلف في سميراميس إنتركونتيننتال فى قاعة كليوباترا. أسعار التذاكر تبدأ من 1900 جنيه شاملة العشاء، كمان مغنية الـ Jazz المصرية نهى طه هـ تحيي حفل الكريسماس في مطعم ولاونج سايجون بفيرمونت نايل سيتي.

وفى مطعم Chicken dot Corn فى Blue Blue فى المنيل فيه حفل لنجم Arab Idol محمد رشاد، للحجز والاستعلام اضغط هنا.

وفى أو بار ممكن تحضر حفل Winter Wonderland التنكري للكريسماس بفايرمونت نايل سيتي يحييه Dr K، فى حين هـ يقيم كافاليني بمصر الجديدة حفل للفنانة نيكول سابا بمناسبة الاحتفال بالكريسماس، وأخيرًا فيه حفل جولد كريسماس بارتي في أون توب يقام بمركب الباشا 1901 في الزمالك يقدمه DJ Ramy و Richard R.

 

ده كان الجزء الخاص بالحفلات.. نروح على الجزء الخاص بالمطاعم، أولهم فى مطعم عيش وملح فى وسط البلد يوم الخميس فيه عشاء خاص بالكريسماس ممكن تعرف تفاصيله من هنا، العشاء فيه تركى مشوي، وأكلات رائعة من الخضروات مع طبق خاص من السمك للصائمين، لازم تروحوا عيش وملح علشان الحجز، السعر للفرد 150 جنيه، والأطفال تحت سن 13 سنة بنصف الثمن وهـ يأخذوا هدية مخصوص من سانتا!

نروح على الدقى ومطعم جابرييل المشهور بعروض البيانو الحية وأنت بـ تستمتع بأطباقهم عنده برنامج حلو جدًا يوم الخميس مع الكاريوكي وعرض حي لرامى نجا من الساعة 8 مساءً لحد منتصف الليل، لو عاوز تعرف معلومات أكثر من هنا، ودي صفحتهم على الفيسبوك.

كمان مطعم ذا تيبسي تي بوت عامل برضه عشاء خاص بالكريسماس يوم الخميس بداية من الساعة 2 ظهرًا، أنواع كثيرة من المأكولات وتحلية البودينج ومشروبات، إلى جانب الألعاب والهدايا، اتصل بهم لأن التذاكر محدودة، سعر الفرد 195 جنيه، والأطفال 105 جنيه، لو عاوز تعرف معلومات أكثر عن الحدث من هنا.

كل كريسماس وأنتم طيبين!

مقترح