Mohamed Talaat
أحيانًا بنبقى محتارين نخرج فين داخل مصر، الأماكن كتير والأنشطة الترفيهية أكتر، علشان كدة بنعتبر فكرة موقع “دوبال – Dopal” واحدة من أجمل الأفكار اللي ظهرت في مصر مؤخرًا، لأنها بتديكم إمكانية اختيار أجمد رحلة أو نشاط ترفيهي في مصر بسعر مناسب وبخطوة واحدة وأنتم في البيت من غير لف ودوران واتصالات كتير، لأن الموقع بيجمع أجمد الرحلات والأنشطة الترفيهية داخل مصر في مكان واحد، وبتقدروا تحجزوا التجربة اللي نفسكم تقوموا بيها من خلاله.. تعالوا نعرف حكاية الموقع ده.
الفكرة الرئيسية للموقع هي تشجيع الناس على إنها تروح أماكن جديدة وتعمل أنشطة مختلفة، بأسعار مميزة ومواعيد فيها مرونة وتكون مناسبة لكل فرد أو مجموعة، وده مش موجود بدرجة منظمة في سوق السياحة الداخلية أو الخارجية في مصر.
“دوبال” هو موقع بيقدم لكم خدمة حجز رحلتكم بكل حب وكمان بيوفر عليكم حاجات كتير وبيقدم نصائحه اللي هتفيدكم دايمًا، وكمان بيكون فيه علاقة شخصية بين الموقع وكل شخص بيحجز من خلاله، كل اللي عليكم تحددوا أنتم بتدوروا على إيه، سفاري أو غطس أو رحلة للأهرامات أو أي رحلة أو نشاط تاني داخل مصر، وبتدخلوا الموقع وتبحثوا عن اللي محتاجينه، أما لو مش عارفين أنتم عاوزين إيه بالظبط، ممكن تدخلوا تستكشفوا بنفسكم الرحلات والأنشطة من بين قائمة ضخمة.
الموقع بيقدم كمان خدمة التواصل من خلال الدردشة على الموفع، واللي بتتيح لكم تتكلموا مع مختص وتطلبوا منه المساعدة بناءً على أفكاركم اللي محتاجين تترجموها لرحلة، وكمان ممكن تتعاملوا مع الموقع نفسه كصديق لكم، عن طريق الذكاء الاصطناعي ودي حاجة بيتميز بيها الموقع، ومعناها ببساطة إن الموقع بيقدر من خلال الداتا الخاصة بيكم يفهمكم أكتر ويرشح لكم رحلة مناسبة لاهتماماتكم.
الموقع بيقدم خدمة حجز رحلة بأنشطة محددة وأوقات تناسب كل شخص بأسعار مختلفة، فتقدروا تدخلوا على الموقع وتختاروا البرامج وتشوفوا المناسب ليكم وتحددوا الوقت وتعرفوا السعر اللي بيكون أقل من السوق كتير، وتدفعوا أونلاين سواء بكارت بنكي أو عن طريق فوري أو المحافظ الإلكترونية لشبكات المحمول.
وتقدروا تعرفوا أكتر عن “دوبال” من خلال الموقع الإلكتروني من هنا.
أو من خلال صفحة الفيسبوك من هنا.
مقترح
صحة ولياقة
اسكيت X.. أول أكاديمية في مصر بتعلم التزلج لأبطالنا من أصحاب الهمم!
أصحاب الهمم أكاديمية سكيت X +12
معالم وسياحة
