The Definitive Guide to Living in the Capital , Cairo , Egypt

على مستوى العالم عروض الدولفين “دولفين شو” من أمتع التجارب اللي بتجمع كل أفراد الأسرة على الضحك والانبهار، ورغم إن عروض الدولفين موجودة في مصر من سنة 2001 إلا إن القاهرة مكنش ليها نصيب من المتعة دي إلا مؤخرًا في عام 2024، دلوقتي تقدروا تستمتعوا بزيارة استثنائية في القاهرة تشمل عروض مبهرة، وفرصة للتصوير، وحتى السباحة مع الدلافين، وخلال السطور الجاية هنقولكم كل اللي محتاجين تعرفوه عن تجربة الدولفين شو في مدينة 6 أكتوبر.

عروض مبهرة

خلال زيارتكم لدولفين شو هتنبهروا بفقرات وعروض فنية مميزة أبطالها الدلافين الرشيقة المعروفة علميًا باسم الدلافين ذات “الأنف القاروري”، وتشتهر بأنها الكائنات الذكية ومهاراتها المذهلة وحبها للمرح، والعروض كلها بتكون مزيج من الغناء والرقص وألعاب الخفة والرسم يعني متعة مضمونة لكل الأعمار، وسعر تذكرة العرض للفرد الواحد 450 جنيه.

صور وذكريات

من المميزات الموجودة في دولفين شو أنكم لو حابين توثّقوا اللحظات الحلوة دي بصور تذكارية، فيه اختيارين متاحين،  الأول التصوير من خارج حمام السباحة، وتقدروا تاخدوا صورة مع الدولفين وسعرها 350 جنيه وممكن يشارك في الصورة لحد 4 أفراد، والحجز بيكون في نفس وقت الشو اللي بتحضروه.

الاختيار الثاني هو التصوير الخاص داخل حمام السباحة، وده  لو عاوزين تجربة أقرب وأكثر خصوصية ممكن تاخدوا لحد 5 صور خاصة مع الدولفين جوا المياه، وسعر الفقرة دي 3000 جنيه للفرد الواحد وبيكون الحجز قبلها بيوم ومواعيدها زي مواعيد السباحة بالظبط.

السباحة مع الدلافين

خلينا نقول دي أجمل تجربة ممكن تشاركوها لأنكم بتقدروا تشاركوا الدلافين السباحة والتفاعل معاها بشكل كامل ومباشر وتسحبكم بزعانفها وتشاركم المرح وأنتوا راكبين عليها لمدة 15 دقيقة وسعرها 3000 جنيه، أو لمدة 30 دقيقة بسعر 5000 جنيه للفرد.

فقرة السباحة مع الدلافين مميزة وهتخليكم تحسبوا بقربكمك ليها وهتحضنوها وترقصوا معاها وفي مخيلتنا هتكون تجربة ساحرة وممتعة لأي حد يجربها.

المواعيد

هما شغالين يوميًا من السبت للخميس بعرض واحد بس الساعة 6 مساءً، ويوم الجمعةبيكون فيه عرضين واحد الساعة 6 مساءً والتاني الساعة 9 مساءً، ومتنسوش أن الأطفال اللي سنهم أقل من 3 سنوات دخولهم مجانًا.

للحجز ومعرفة تفاصيل أكتر زوروا موقعهم الإلكتروني من هنا.

أو من خلال واتس آب رقم 01111185886