دوّر – Dawar… أبلكيشن جديد للإبلاغ عن القمامة في شوارع القاهرة
DAWAR إزالة القمامة تطبيق DAWAR تطبيق إزالة القمامة خطوات استخدام تطبيق DAWARCairo 360
أطلقت وزارة البيئة بالتعاون مع الجمعية الألمانية للتعاون الدولي تطبيق جديد على الهواتف اللي بتدعم نظام الأندرويد والـ (IOS) بعنوان “دوّر Dawar” هدفه القضاء على المخلفات والقمامة في الشوارع.
والتطبيق لسه تحت الإنشاء والتجريب، وحالياً بيقتصر نطاق عمله على منطقة المعادي وطرة بس، لكن قريب جدًا هيكون متاح لكل الأماكن في القاهرة.
وتطببيق “DAWAR” هو واحد من خدمات شركة (Environ ADAPT) اللي ببتشتغل في مجال إدارة المخلفات.
وبتقوم فكرة البرنامج على إرسال المستخدم صور لمكان القمامة عبر الأبليكشن مع تحديد عنوان المنطقة تفصيليًا، وبعدها بيقوم الحي بإرسال الصورة مرة أخرى بعد تنظيفها وإزالة القمامة منها.
وبمجرد تحميل التطبيق تقدروا تعملوا حساب جديد من خلال إدخال اسم المستخدم والبريد الإلكتروني وكلمة المرور، وبعد كدة هتقدروا تلتقطوا صور للأماكن اللي بتنتشر فيها القمامة وإرسالها من خلال التطبيق بسهولة، كمان بيتيح التطبيق خدمة التواصل من خلال البريد الإلكتروني info@environ-adapt.com
وتقدروا تحملوا التطبيق من هنا.