The Definitive Guide to Living in the Capital , Cairo , Egypt

المتنفس الحقيقي لأهل القاهرة هو الأماكن المفتوحة المليانة خضرة، وهي دائمًا ترشيحنا الأول للمصريين خصوصًا في فترات الظروف الاقتصادية الصعبة. في السنوات الأخيرة، وبسبب الإهمال، كان فيه بعض الحدائق شبه ميتة ولكن عادت لها الحياة مرة ثانية بعد التطوير، وده في ظل اهتمام الحكومة المصرية بتطوير كل حدائق القاهرة، وأصبحت الحدائق دي المتنفس الأفضل للمواطنين وعلشان كده هنقول لكم على 3 حدائق تم تطويرهم بالكامل في القاهرة وأصبحت زياتهم فعلًا متعة كبيرة.

 

حديقة الأسرة

هي الأولى من نوعها في الشرق الأوسط وبتشبه حدبقة “العجائب” في باريس، وهي موجودة على طريق القاهرة – السويس الصحراوي في الكيلو 26، وعلى مساحة 70 فدان نصهم مساحات خضراء وبحيرات، والنص الثاني ملاعب ومرافق ومنشآت تعليمية بتخدم زوار الحديقة.

الحديقة بتستقبل يوميًا 10 آلاف زائر طبقًا للموقع الرسمي لـ”مشروعات مصر”، وفيها 9 بوابات وفيها جراج يساع 500 سيارة و50 أتوبيس، وفيها مبنى للعلوم والتكنولوجيا ومركز الفنون والتكنولوجيا، ومبنى الورش الفنية والسينما والمسرح، و3 قطارات داخلية كل قطار فيه 3 عربات وحمامات سباحة ومطاعم وأكشاك ومنطقة ألعاب وغيرها، وسعر التذكرة يبدأ من 40 جنيه والويك إند 50 جنيه.

 

حديقة ابن سدر

هي أحدث حديقة تم افتتاحها في نوفمبر 2023 على مساحة 12 ألف متر، وشمل التطوير عمل سور خارجي وتركيب إنترلوك ونافورة مضيئة وبرجولات وزيادة المساحات الخضراء، وبها أكشاك للمطاعم ومنها الخاص بذوي الهمم بالتعاون مع الجمعيات الأهلية، والحديقة موجودة في ميدان ألماظة بمصر الجديدة والدخول لها بتذكرة سعرها 10 جنيه.

 

حديقة الأندلس

من أعرق الحدائق الموجودة في منطقة الزمالك بالقاهرة وتكلف إعادتها للحياة بعد التطوير 30 مليون جنيه، وهي من الحدائق القديمة واتبنت سنة 1935 وهي على مساحة فدانين، وفيها جزئين، الأول اسمه “الفردوس” ومبني على النمط الأندلسي الموجود في أسبانيا وفيه أشجار معمرة زي شجرة عدي اللي عمرها أكتر من 70 سنة.

اما الجزء الثاني فهو الحديقة الفرعونية، وفيه بوابة فرعونية وتمثال شيخ البلد ونخيل ملكي ونماذج للتماثيل الفرعونية المختلفة، وسعر تذكرة الدخول 10 جنيه، وهي مناسبة للرحلات والخروجات الأسرية المميزة وتقدروا تعملوا فيها فوتوسيشن مميز وكمان الأفراح.