The Definitive Guide to Living in the Capital , Cairo , Egypt

مهما كبرنا هتفضل الملاهي هي أجمل مكان بيسعدنا، والقاهرة فيه عدد كبير من الملاهي المميزة اللي فيها ألعاب مناسبة لكل الأعمار والأذواق، وفي السطور الجاية هنعرفكم على 3 من أجمل الملاهي في القاهرة، واللي هتلاقوا فيها عدد ضخم من الألعاب المثيرة.

تعالوا نتعرف على 3 أماكن في القاهرة كلها ضحك ولعب ومافيهاش جد خالص!

 

دريم بارك

عندهم ألعاب مختلفة وبداية من 250 جنيه للتذكرة تقدروا تلعبوا ألعاب كتير موجودة عندهم زي “الشلال – سميلاتور – الغسالة – قطار الشرق – النهر الثائر – سفينة نوح – قطار المدينة – السيارات الملكية – دوامة القيصر”، وغيرها من الألعاب المميزة المدفوعة اللي تقدروا تختاروها حسب حالتكم المزاجية، ومواعيدهم من 12 ظهرًا حتى 9 مساءً، وفي الويك اند حتى 10 مساءً.

تقدروا تعرفوا أكتر عنهم من خلال صفحة الفيسبوك من هنا.

 

الملاهي

بيشتغلوا يوميًا من 12 الظهر حتى 10 مساءً، لكن في الويك إند بيكونوا موجودين لحد 11 مساءً، وأسعار التذاكر عندهم تبدأ من 475 جنيه، وده بيديكم الحق في أنكم تلعبوا كل الألعاب المجانية المتاحة لحد ما الكارت يخلص، وتقدروا تشحنوه تاني مفيش مشكلة، ولو أنتم مش هتلعبوا تقدروا تشتروا تذكرة مرافقين للأطفال بسعر 150 جنيه.

تقدروا تعرفوا اكتر عنهم من خلال صفحة الفيسبوك من هنا.

أكوا بارك

أكبر مدينة ملاهي مائية في القاهرة، فيها عشرات الألعاب والشاليهات والمطاعم على مساحة 17 فدان على طريق الإسماعيلية، وهتلاقوا فيها أكتر من 60 لعبة مختلفة زي الصاروخ والقطار المعلق وغيرها للكبار وللأطفال، وكمان فيها 10 حمامات سباحة لكل الأعمار، وعندهم فقرة للدولفين وعروض مسرحية، وسعر التذكرة يبدأ من 400 جنيه للكبار و350 لحد سن 10 سنوات.

تقدروا تعرفوا أكتر عنهم من خلال صفحة الفيسبوك من هنا.