Cairo 360
محمد صلاح من الشخصيات المجتهدة اللي تعبت كتير جدًا قبل ما تنجح. وعلشان كده أي نجاح له، كل المصريين بيفرحوا ويفخروا بيه كأنه فرد من أسرتهم، وصورة مشرفة لمصر في العالم كله.
وإمبارح كسب محمد صلاح، هداف ليفربول جائزة أفضل لاعب في الدوري الإنجليزي الممتاز، لكرة القدم للموسم (2017-2018) في لندن.
ولما اتسأل عن سر نجاحه رد بمنتهى التواضع أنه بسبب تعاون فريقه معاه. وممكن تشوفوا اللينك من هنا:
محمد صلاح النجم المصري الدولي وأفضل هداف في البريمير ليج، برصيد 31 هدف، تفوق على المهاجم الدولي الإنجليزي هاري كين، هداف توتنهام هوتسبير. والإسباني دافيد دي خيا، حارس مرمى مانشستر يونايتد. غير ثلاثي فريق مانشستر سيتي، البلجيكي كيفن دي بروين. والألماني ليروي ساني. والإسباني دافيد سيلفا.
بدأ محمد صلاح يلفت الأنظار بموهبته في أول مواسمه مع ليفربول. وكسر أكثر من رقم قياسي مع الريدز لحد دلوقتي. أبرزها الرقم القياسي لأسطورة الليفر، إيان راش. بوصوله إلى 41 هدف في جميع المسابقات، وتجاوز بفرق هدف إنجاز إيان راش. اللي حققه في الموسم 1986-1987.
كمان تفوق صلاح على رقم النجم البرتغالي كريستيانو رونالدو، كأول لاعب يسجل في أكبر عدد من المباريات خلال موسم واحد، برصيد 23 مواجهة. بفارق مباراة على كل من كريستيانو رونالدو “صاروخ ماديرا”، والهولندي روبن فان بيرسي.
ده غير أنه عادل محمد صلاح الرقم القياسي المسجل باسم الثلاثي، كريستيانو رونالدو، الأوروغوياني لويس سواريز، والإنجليزي آلان شيرار. اللي تمكن من الوصول للهدف رقم 31، في موسم واحد ضمن مسابقة البريمير ليج.
والفرعون المصري خلاص بقى على بعد هدف واحد بس لمعادلة رقم قياسي تاني للنجم كريستيانو رونالدو. اللي سجل 42 هدف في جميع مسابقات الموسم الحالي مع ريال مدريد. كمان سجل نفس العدد من الأهداف بقميص مانشستر يونايتد في الموسم (2007 – 2008). لما وصله للتتويج بلقب دوري أبطال أوروبا، على ملعب “لوجنيكي”، في العاصمة موسكو.
كمان النجم المصري بقى أول لاعب إفريقي يحقق 31 هدف في موسم واحد في البريميرليج، بفرق هدفين على الإيفواري ديديه دروجبا.
محمد صلاح هيفضل مصدر فرحة وفخر في قلوب المصريين والعالم كله مش بس علشان تفوقه في الرياضة لكن كمان علشان تواضعه وأخلاقه الطيبة اللي واضحة للعالم كله.
المصدر: RT
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
