The Definitive Guide to Living in the Capital , Cairo , Egypt

الحياة في كايرو -
مقترح

رمضان 2015 في القاهرة: رمضان في أكبر فنادق العاصمة

رمضان 2015 في القاهرة: رمضان في أكبر فنادق العاصمة
بواسطة
Cairo 360

يا سلام على رمضان وتقاليده المنتشرة في القاهرة ومصر كلها، رمضان اللي فيه الفول والفلافل وأكلات مصرية ثانية بـ يكونوا هم نجوم الشباك، بس طبعًا ده لا يمنع من إضافة لمسة جمالية على الموضوع، خصوصًا إن موضوعنا له علاقة بالأكل.

القاهرة لحسن الحظ أماكنها كلها رائعة –أو أغلبها– من ناحية الفنادق الكبيرة، إحنا في كايرو 360 بـ نقدّر الأماكن دي جدًا، وعدد منهم قدر يكون من بين اختيارات جوائز محرري كايرو 360 عن فئة أفضل الفنادق العالمية.

مافيش شك أن رمضان من الأوقات اللي محتاجة هدوء وبساطة، بس أوقات كل اللي نفسك فيه أنك تلبس حاجة شيك وتخرج في مكان جامد.

 

فيرمونت نايل سيتي

فيرمونت نايل سيتي ما عندوش حاجة اسمها نص نص، خصوصًا في المناسبات، بعد نجاحهم الكبير في رمضان اللي فات، الفندق المميز بإطلالته الرائعة على النيل السنة دي بـ يعيد تقديم خيمته الرمضانية على التراس وهي باب النيل، أما الفندق نفسه فبـ يصحبك لرحلة مع الذكريات في 1001 ليلة، واللي بـ ياخذك لأيام شهرزاد وعلي بابا وغيرهم. نابا جريل كمان عامل بوفيه إفطار هايل بـ 295++ جنيه للفرد، وبوفيه سحور بـ 185 جنيه.

للحجز ومعلومات أكثر، اتصل بـ 02-2461-9494.

 

كونراد القاهرة

واحد من الأماكن المفضلة لكثير من فريق عمل كايرو 360، وكونراد في الحقيقة بدأ الاحتفال برمضان بأسعار مغرية جدًا للإفطار والسحور، سولانا بـ يفتح أبوابه لكل الصائمين ببوفيه إفطار سعره 199++ جنيه للفرد، أما المطعم اللبناني جايدا بـ يقدم بوفيه خاص به للإفطار (185++ جنيه) والسحور (155++ جنيه) مع إضافة الشيشة والتخت الشرقي. أخيرًا وليس آخرًا، الفندق عامل عرض على أسعار الغرف تبدأ بحوالي 800 جنيه، وهي باقة تشمل كمان سحور وخصم 25% على الجراج.

للحجز ومعلومات أكثر، اتصل بـ 02-2580-8000.

 

ماريوت القاهرة

نبدأ منين وسط مفاجآت ماريوت الرمضانية؟ الاختيارات كثيرة الحقيقة في الفندق الموجود في الزمالك، نبدأ مع أهم مكان وهو خيمة سمعة باشا، واللي فيها بوفيه سحور بـ يقدم فيه كل الأكلات المصرية الكلاسيكية (175++ جنيه) مع عروض ترفيه حيّة مع الشيشة وحاجات ثانية، سرايا كافيه وريستورانت توسكاني بـ يقدموا منيو إفطار عائلية، وعمر كافيه بـ يقدم بوفيه إفطار بـ 320++  جنيه و160++ جنيه للأطفال.

استني، لسه فيه مفاجآت ثانية، ليالي مصرية معانا السنة دي ومعاه الشيشة ومنيو للفطار والسحور كمان.

للحجز ومعلومات أكثر، اتصل بـ 02-2728-3000.

 

فور سيزونز نايل بلازا

المطعم اللبناني زيتونى التابع لفور سيزونز نايل بلازا في جاردن سيتي بـ يقدم بوفيه إفطار بسعر الفرد 365++ جنيه، وفيه هـ تستمع بأكلات شرقية رائعة، أما أحدث الأماكن في الفندق وهو أبار ديك – Upper Deck فهو من الأماكن الممتازة للسحور والسهر. الفندق كمان عامل عروض على الغرف بمناسبة رمضان بأسعار تبدأ من 1200 جنيه.

للحجز ومعلومات أكثر، اتصل على 02-2791-7000.

 

فور سيزونز فيرست ريزيدانس

نروح لفندق ثاني من فنادق فور سيزونز، ومعاه بـ ترجع واحدة من أحلى الخيام الرمضانية لا جورمانديز اللى تعتبر مثال حي للتجربة الرمضانية الفخيمة، وقدر يحقق نجاح وسط أهل القاهرة مع الأكل الرائع، العروض الترفيهية والأجواء الرائعة، أكيد المكان ده هـ يكون من أكثر الأماكن اللي هـ تزورها طوال الشهر.

للحجز ومعلومات أكثر، اتصل على 02-3567-1600.

 

فيرمونت هليوبوليس

وسط عدد كبير من المطاعم والكافيهات، فيرمونت هليوبوليس دائمًا مصدر ثقة عند الناس خصوصًا لما نتكلم عن الأكل، وهو عامل مهم جدًا في رمضان، My Kind of Place بـ يقدم بوفيه إفطار بـ 260++ جنيه، بس كلمة السر في احتفال الفندق برمضان هو خيمة سي عمر الشهيرة، توقع تشوف هناك كل أنواع الاحتفال بالشهر الكريم.

للحجز ومعلومات أكثر، اتصل بـ02-2267-7730/40 .

 

دوسيت ثاني ليك فيو القاهرة

باعتباره واحد من أرقى فنادق القاهرة، دوسيت ثاني ليك فيو بـ يقدم أجواء شرقية ساحرة، وفي شهر رمضان الأكل هو المسيطر على كل حاجة هناك، المطعم الإيطالي برانزينو بـ يقدم بوفيه إفطار وسحور على أنغام العود، جاردن جريل ماشي على نفس الأسلوب، بس الفرق هو منيو ثابتة للسحور مع تخت شرقي ومغنيين وDJ. أما دوسيت جورميه فبـ يعتمد على منيو آلا كارت للإفطار والسحور، وفيه قعدة في اللوبي.

للحجز ومعلومات أكثر، اتصل بـ02-2614-0000 .

 

رمضان كريم عليكم جميعًا! تابعوا كايرو 360 على طول، الاحتفالات معانا ما بـ تخلصش.

مقترح