رمضان 2017: 10 خيم رمضانية في القاهرة القعدة فيهم ترد الروح
Cairo 360
الخيم اصبحت علامة من علامات شهر رمضان، زيها زي المسلسلات والبرامج، والقعدة فيها بتدي لرمضان طعم وجو مختلف.. وسواء بتدور على أكل لذيذ، أو وقت جميل مع العائلة أو الأصدقاء، أو حتى عايز تشرب شيشة في جو مختلف، يبقى خيم رمضان في القاهرة هي مكانك اللي بتدور عليه.
دول 10 من أهم خيم رمضان 2017:
فوانيس – سميراميس إنتركونتيننتال
خيمة فوانيس اللي بتطل على النيل، هي أحسن مكان ترتاح فيه بعد شغل طويل. مع تشكيلة متنوعة من الأكلات للفطار والسحور. وكمان الشيشة المميزة اللي بيقدمها المكان.
للحجز: 0227988188 – 0227988000
لاجورمانديس – فور سيزنز فيرست ريزدينس
واحدة من أشهر الخيم في القاهرة. والسنة دي لاجورمانديس مش بس بتقدم بوفيه متنوع للفطار، دي زودت منيو جديد للسحور، بأكلات حسب الطلب. وطبعًا ده بجانب الشيشة والحلويات المختلفة.
للحجز: 0235671600
باب القصر – رويال ماكسيم بالاس كمبنسكي
غير الفطار والسحور، باب القصر هتقدم فقرات فنية مختلفة على مدار رمضان. هيكون فيه عروض تخت شرقي طول أيام الأسبوع. حفلات فنية في الويك إند. بحضور فنانين منهم: حكيم ومحمود العسيلي.
للحجز: 01097111151
جاليريا 40 في الشيخ زايد، عامل خيمة ع الطاولة للسنة الثانية في رمضان. وفيها أماكن مختلفة تقدر تختار منها، زي: جابيز – توتي ماتي – مستكة. تجربة سحور مميزة، بتقدم أنشطة وحفلات مختلفة لكل أفراد الأسرة أو الأصحاب.
للحجز: 01113005140
باختيارات كتيرة ومتنوعة للفطار (185 جنيه)، وجدول مليان ترفيه ومتعة لحفلات للسحور، خيمة ريفرسايد في الزمالك مش هتحس فيها بملل.
للحجز: 01212801290
ع النيل – إمبيريال بوت
مفاجآت كتيرة في خيمة “ع النيل” في إمبيريال بوت السنة دي. غير المطبخ الشرقي واللبناني اللي هيكون في الفطار، في حفلات غنائية وحفلات تخت هتحيي سهرات الخيمة.
وسط البلد – ريتز كارلتون النيل
بعد ما ظهرت لأول مرة السنة اللي فاتت، خيمة وسط البلد راجعة تاني السنة دي. مع حفلات السحور المميزة، من أغاني وشيشة وعروض فنية.
للحجز: 0225778899
خيمة شهرزاد بتوعدكم بتجربة سحور مختلفة. بما فيها الشيشة والعروض الفنية اليومية.
للحجز: 0222659600
واحدة من أهم خيم رمضان من 2009. ولاد الذوات مستمرة في تقديم أحلى الحفلات، والعروض والأنشطة المختلفة.
للحجز: 0224115588
السنة دي خيمة سي عمر بتكمل 14 سنة. وده معناه إنه هيكون فيه مفاجآت كتيرة على مدار الشهر. بالإضافة لجوها الودي وحفلاتها اللي اتعودنا عليها.
للحجز: 0222678485
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
