The Definitive Guide to Living in the Capital , Cairo , Egypt

الحياة في كايرو -
مقترح

زخارف ونقوش إسلامية.. 13 مئذنة في القاهرة أقرب لتحف فنية معمارية

13 سنة كايرو 360 أجمل المآذن في مصر أطول مئذنة في مصر مآذن المساجد مآذن مساجد مميزة مساجد القاهرة
زخارف ونقوش إسلامية.. 13 مئذنة في القاهرة أقرب لتحف فنية معمارية
بواسطة
Cairo 360

يمنى أحمد

القاهرة مليانة تحف معمارية كتيرة، بس من وسط التحف دي هنركز مع المساجد اللي ليها مآذن معمولة بإبداع. مش بس القاهرة الإسلامية ولكن في نواحي كتير من القاهرة زي مصر الجديدة والعباسية. في السطور الجاية حبينا نوريكم جمال وعظمة المآذن دي وإزاي إنك لما تشوفها هتحس بكمية راحة نفسية وإلهام.

تعالوا نتعرف على 13 مئذنة اتنفذوا بحب وإبداع.

 

 مئذنة مسجد أحمد بن طولون:

المئذنة مش بس تحفة معمارية فنية، لكن هيا أقدم مئذنة موجودة في مصر بعد مئذنة جامع عمرو بن العاص، كمان مبنية على الطراز العراقي، أنشأها السلطان لاجين المنصوري في عهد أحمد بن طولون، وبيبلغ ارتفاعها حوالي 40 متر.

مئذنة مسجد الحسين:

المئذنة بيرجع تاريخ إنشاءها للعهد الأيوبي على إيد أبو القاسم يحيى بن ناصر السكري، وهيا من أقدم الأجزاء الأثرية في المسجد ومبنية على الباب الأخضر. فيها زخارف ونقوش من الجص، وحصلت لها تعديلات كتيرة على مر العصور.

 

مئذنة مسجد الحاكم بأمر الله:

موجود في شارع المعز وهيا مئذنة أسطوانية الشكل فيها كتير من الزخارف والنقوش بالخط الكوفي. مبنية من الحجر وبيدور حواليها قاعدة مربعة ضخمة كأنها هرم.

مئذنة مسجد السيدة عائشة:

وده له منطقة باسمه في مصر القديمة، المئذنة موجودة بين بابين، ومش متبقى منها غير الدورة الأولى بس، لكنها مزخرفة ومكتوب عليها كلمات في حب أهل البيت. والمسجد من أكتر مساجد آل البيت زيارة.

 

مئذنة مسجد الأقمر:

من أميز المآذن في القاهرة الإسلامية، مبنية من الطوب الأبيض الذي يعكس ضوء القمر، مليانة نقوش وزخارف إسلامية كتيرة، ومكتوب عليها بالخط الكوفي، وبيرجع وجودها للعصر الفاطمي.

مئذنة مسجد عمرو بن العاص:

هي أول مئذنة في تاريخ مصر وإفريقيا، أنشأها مسلمة بن مخلد، بعد أن صلى المسلمون فيه بدون مئذنة عدد من السنوات.

 

مئذنة مسجد الفتح:

وهو موجود برمسيس، بتتميز بطولها وبإنها بتجمع بين الحداثة والقدم، اتبنت مع بناء المسجد سنة 1990 على إيد المهندس المعماري حسين بكري.

 

مئذنة مسجد النور:

ده موجود في العباسية، بتتميز مئذنته بإنها ليها أعمدة صغيرة متراصة جنب بعضها، وطولها يقرب من طول مئذنة مسجد الفتح برمسيس، وفيها زخارف ونقوش بسيطة في بعض الحواف.

 

مئذنة الجامع الأزهر:

وهو له عدة مآذن، ولكن أشهرها المئذنة ذات الرأسين، تتميز بالعمارة الإسلامية الرشيقة، وتعد من طراز العمارة المملوكية الفريد.

مئذنة مسجد السلطان حسن:

وهي أعلى مئذنة في مصر، طولها حوالي 81 متر، استمر العمل في بنائها لسنوات، والمسجد موجود بحي الخليقة خلف قلعة صلاح الدين الأيوبي.

 

مئذنة مسجد الرفاعي:

وده يعتبر تؤام مسجد السلطان حسن، موجود بجانبه في حي الخليفة، وتتميز المئذنة بانحناءت بسيطة ودوران في أعلاها، توقف العمل في بنائه 25 سنة، وهو من أبرز مسجد التراث في مصر.

 

مئذنة مسجد محمد علي:

هي أعلى مئذنة في مصر، يبلغ طولها  84 متر، وبتتميز بقمتها المدببة، وبترجع للعهد العثماني.

مئذنة مسجد السيدة زينب:

وهو من أهم المساجد التراثية في القاهرة، له 4 مآذن تتميز كلها بالنقوش والزخارف الإسلامية البسيطة والجميلة.

مقترح