زيارة منزلية: أطباء في كل التخصصات يوصلوا لك لحد البيت في أي مكان في القاهرة
Cairo 360
من فترة للتانية كثير من الأسر بتتعرض لظرف طاريء تحتاج فيه أن دكتور يروح لهم البيت، ومش كل الناس بيكونوا يعرفوا دكاترة تقبل ده، ومن هنا جت فكرة موقع “زيارة منزلية” واللي يعتبر أول دليل طبي مجاني للزيارات المنزلية، سواء للدكاترة أو الممرضين أو للعلاج الطبيعي أو معامل التحليل أو الصيدليات في أغلب محافظات مصر.
الموقع لسه تجربة جديدة وبتختار منه المحافظة والتخصص اللي أنت محتاجه، فبيبدأ يختار لك أنسب حد ليك، وأنت بعد كده بتتواصل مع الدكتور وبتحدد معاه ثمن الكشف بالمبلغ اللي يناسبك بعيدًاعن الموقع. ودليل زيارة منزلية بيعرف نفسه بأنه “اول دليل طبي الكتروني للزيارات المنزلية .تشمل الاطباء والتمريض واخصائي العلاج الطبيعي المرحبين والمستعدين بالقيام بالزيارات المنزلية”.
وبكده بيكون الموقع حلقة وصل بين أي مريض محتاج دكتور في البيت أو أي خدمة من خدمات الموقع وبين اللي بيقدموا الخدمة بدون وسيط فعلي. بنعيب بس على الموقع أنه لسه مافيهوش دكاترة كتير أو عدد كبير من الصيدليات وده أكيد لأنهم لسه بيبدأوا.
بيقول صناع الفكرة: “طبعًا مش كل الدكاترة بتوافق تروح زيارات منزلية ، ولو حد محتاج الخدمة دى بيفضل يحاول لمدة طويلة لحد ما يلاقي دكتور مستعد، علشان كده إحنا عملنا موقع نجمع فيه معلومات الدكاترة اللي عندهم استعداد ( تليفوناتهم، مواعيدهم، مناطقهم ….) وكمان ضيفنا عليهم التمريض والعلاج الطبيعى اللي بيؤدى خدماته في البيت، يعني دليل مجمع للزيارات المنزلية زي دليل التليفونات.. بتدور علي الدكتور وتتصل بيه من غير أي وسيط بينك وبين الدكتور أو التمريض أو العلاج الطبيعي، وعلي فكرة مالناش أي علاقة بأسعار الزيارة المنزلية، إحنا بنجمع المعلومات بس علشان نسهل على الناس البحث والتدوير، والاتفاق بيكون بين المريض وبين الدكتور مباشرة”.
تقدروا تدخلوا على الموقع من اللينك هنا.
وصفحتهم على الفيسبوك هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
