سارة عصام: حكاية أول لاعبة كرة قدم مصرية تحترف فى الدورى الإنجليزي
Cairo 360
نجحت سارة عصام، لاعبة أندية وادى دجلة لكرة القدم، واللي عمرها 18 سنة، فى الانضمام بشكل رسمي لصفوف الفريق الأول لكرة القادم بنادى ستوك سيتي الإنجليزى اللي بينافس على دورى الدرجة الأولي “البريميرليج” الإنجليزي، وبيحتل المركز الرابع حاليًا، وبكده سارة أصبحت هي المصرية الأولى اللي بتنضم لصفوف نادى إنجليزي، وتاني مصرية بتلعب في صفوف ستوك سيتي بعد رمضان صبحي.
حكاية سارة
من حوالي خمس سنين انضمت سارة لوادي دجلة في فريق الناشئات 13 سنة، ونجحت تثبت نفسها كلاعبة كرة قدم محترفة، بعد كده تم ضمها لفريق 16 سنة، وقدرت تحقق ثلاث دوريات وده خلاها تنضم لصفوف المنتخب المصري، واللي خاضت ضمن صفوفه أكثر من 20 لقاء دولي أهمهم كأس الأمم الإفريقية وتصفيات كأس العالم.
سارة قالت لموقع اليوم السابع إنها بتدين لنادي وادى دجلة بالفضل في دعمها من بداية مسيرتها كناشئة، وإن النادى قدم لها رعاية ودعم وإعداد على أعلى مستوى، وهو الأمر اللي ساعدها تتقدم بسرعة كبيرة، وتقدر تحقق حلمها في الإحتراف، وتكون أول مصرية تحترف في البريميرليج.
قبل انضمامها رسميًا لصفوف ستوك سيتي، فيه عدد من الأندية الإنجليزية التانية أعلنوا عن رغبتهم في ضم سارة لصفوفهم، بسبب إنها بتجيد اللعب فى أكثر من مركز زي المهاجم الصريح وخط الوسط والجناح الأيمن، وبالفعل خضعت اللاعبة لبعض الاختبارات وقضت فترات معايشة في عدد من الأندية الكبيرة دي زي ديربي كاونتي وبرمنجهام وسندرلاند لحد ما قررت توقع لستوك سيتي آخيرًا.
إحنا في كايرو 360 فخورين بكل بنت مصرية قادرة تنجح وتحقق ذاتها، وبنقول لكل البنات أوعوا تخلوا أي حاجة تقف في طريقكم أبدًا.
مقترح
فن وثقافة
مصر في نهاية القرن العشرين بعدسة مصور ياباني.. كل لقطة بتحكي حكاية! (صور)
الحياة اليومية في مصر المصور الياباني في مصر +9
معالم وسياحة
