“ستديو تراس”.. مكان مميز فوق واحدة من أجمل عمارات وسط القاهرة
القاهرة الخديوية خروجة وسط القاهرة خروجة وفسحة ستديو تراس كافيه معلومات عن ستديو تراس وسط البلد
Mohamed Talaat
من وقت للتاني بنبقى محتاجين نغير مودنا ونقعد في مكان يرجعنا لمصر زمان، ودايمًا بندور على الأماكن اللي تخلينا نرجع التاريخ العريق لوسط البلد بكل جمالها وعراقتها، ومن الأماكن المميزة في وسط القاهرة “ستديو تراس”، وهو عبارة عن روف كامل في عمارة من أجمل مباني وسط القاهرة، واللي بيعود عمرها لأكثر من 100 سنة، واتبنت في عهد الخديوي عباس حلمي الثاني.
في الموضوع ده هنعرفكم أكتر على “ستديو تراس”.
“ستديو تراس” اتأسس سنة 2018 بعد التجديد الكامل لجمعية الخدمات الإجتماعية والثقافية لموظفي الدولة المالكة ليه، والمكان بيقدم خدمة المشروبات والأكل بأسعار رخيصة جدًا بتبدأ من 7 جنيه وبتوصل لحد 20 جنيه.
لكن الأهم من الأكل والشرب اللي بيقدمه المكان هو الفيو المميز اللي بيطل على أعرق عمارات وسط القاهرة وأشهر شوارعها، “شارع عماد الدين”، اللي كان عاصمة الفن لسنوات طويلة في القاهرة.
علشان تعرفوا معلومات أكتر عن “ستديو تراس” تقدروا تزوروا صفحتهم على الفيسبوك من هنا.
أو تتصلوا بيهم على رقم: 01119303243
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
