The Definitive Guide to Living in the Capital , Cairo , Egypt

كل سنة وأنتم طيبين بمناسبة قرب رأس السنة، ويا رب دايمًا مبسوطين، وعلشان السنة الجديدة ماينفعش تدخل عليكم كده وتعدي وخلاص، قررنا نجمع لكم 5 حفلات رخيصة تحتفلوا فيها ببداية 2020 وتودعوا معاها 2019.

لؤلؤة المعادي

وده هيكون فيه حفلة مع عشاء ست منيو، والحفلة هتكون مليانة فقرات زي نجم أراب آيدول محمد حسام، وDJ، والمطرب الشعبي محمد الصغير، والفنان النوبي ماندو، والمطربة آيه عبد الله، والساحر كريس المصري، وكمان هيكون فيه هدية لكل واحد من الحضور عبارة عن شنطة فيها هدايا، والأسعار بتبدأ من 300 جنيه للفرد.

العنوان: كورنيش المعادي – دار ضباط المهمات.

وتقدرو تحجزوا من خلال رقم: 01002247712 – 01002247710

أو بالتواصل على واتس آب رقم: 01004279905 – 01006688701

فيش بوت

ده مطعم سمك على النيل، وعامل سهرة في رأس السنة فيها فقرات كتير، وهتبدأ من الساعة 8 مساءً ومالهاش وقت محدد تنتهي فيه، واللي هيكون فيها الفنان حمزة الصغير، ونجمة أرب أيدول ميرفت وجدي ، والمطربة نهي السعيد، ونجوم المهرجانات أحمد عزت، وعلي سمارة، ودي جي، وهيقدموا عشاء فيه مقبلات وطبق رئيسي وحلو، وسعر الفرد 750 جنيه.

العنوان: ١٨ كورنيش النيل، مصر القديمة، أمام بنك القاهرة، قصر المنسترلي.

رقم التليفون: 01271670457 – 01001368949

أشريجو

ده فريق مهتم بنشر الثراث النوبي، وعلشان كده هما عاملين احتفال “شمندورة” بليلة رأس السنة في ساقية الصاوي، وهيكون فيه DJ نوبي بقيادة محمد اللون، مع المغنيين ناصر سيد وحسن الصغير، وحمو إسماعيل، ده غير الفقرات والمفاجآت المختلفة، والحفلة هتكون من الساعة 7 حتى 10:30 مساءً، وسعر التذكرة 62 جنيه.

العنوان: ساقية الصاوي – شارع 26 يوليو – الزمالك.

حجز التذاكر من هنا

يخت ومزيكا

ودي حفلة هتبدأ 9 بالليل في المنيل، وهتبقى في يخت هيتحرك الساعة 10 وهتخلص الساعة 2 صباحًا، وهيكون فيه DJ، وهيستقبلك بابا نويل بهدية وأنت وحظك، وكمان هيسلمك سلاح “لعبة” علشان الألعاب جوه اليخت، وموفرين كمان مصور، وهيكون عندهم مسابقة أشيك كابلز وأشيك سنجل، والفرد له قطعة جاتوه وكانز وساليزون، بتكت 200 جنيه، ومتاح حجز عشاء بـ60 جنيه.

العنوان: شارع عبد العزيز آل سعود – المنيل.

رقم التليفون:  01095768004

الكورت يارد

عاملين السنة دي حفلة فيها DJ بيبو، وعرض للطبول، وعازفة الكمانجا جيرمين عزيز، وفاير وركس لاستقبال السنة الجديدة، والختام هيكون مع الفنان حجازي متقال بتذكرة سعرها 150 جنيه.

العنوان: 2 شارع فلسطين – المعادي.

رقم التليفون: 01210201040

الحجز من هنا