The Definitive Guide to Living in the Capital , Cairo , Egypt

عاوزين تخرجوا ومحتاجين تغيروا جو، بس الفلوس مقصرة؟ إحنا بنقولكم مش مهم، علشان الحل هيكون في السطور الجاية، واللي هتعرفوا منها 7 خروجات في القاهرة مش هتكلفكم كتير، وكمان هتنبسطوا جدًا.

وكالة الغوري

هي مكان مخصص للفن التراثي، وفيها تنورة وحفلات صوفية ومكان للأطفال، والحفلات عندهم كل سبت وإثنين وأربعاء، الساعة 7 مساءً.

العنوان: الغورية – آخر كوبري الأزهر – خلف مطعم جاد.

باب زويلة

الناحية التانية من وكالة الغوري، هتلاقوا هناك شارع المعز اللي هيدخلكم على باب زويلة الأثري واللي فيه فعاليات ثقافية بتناسب كل الأعمار من سن 5 سنوات، ومواعيد العمل من 9 صباحًا، حتى 4 عصرًا.

العنوان: آخر شارع المعز – الجمالية.

بيت السحيمي

من أجمل البيوت اللي فيها فن معماري وتقدروا تتصوروا هناك كمان، وبيتعمل فيه فعاليات على مدار أيام مختلفة، وبيكون مفتوح يوميًا من 9 صباحًا، لـ3 عصرًا.

العنوان: حارة الدرب الأصفر المتفرعة من شارع المعز أمام مسجد السلحدار.

بيت الكريتلية

هو متحف جاير أندرسون، وهو بيت أثري له تاريخ كبير، وبيتعمل فيه فعاليات فنية وثقافية، وهو متاح لكل الأعمار بدءًا من 10 سنوات، وبيكونوا موجودين من 9 صباحًا حتى 4 عصرًا.

العنوان: داخل أسوار جامع بن طولون بمنطقة الصليبة في السيدة زينب.

جزيرة المعادي

حديقة وسط المباه، تقدروا تروحوا تلعبوا وتاكلوا وتشربوا هناك، وتستمتعوا بالأجواء المختلفة ومتعة اللعب والأكل والشرب على شط النيل، وهي بتشتغل من 10 صباحًا حتى منتصف الليل.

العنوان: كورنيش المعادي، دار ضباط النقل.

متحف الفن الإسلامي

تم افتتاحه سنة 1903، وهو أكبر متحف للحضارة الإسلامية في العالم، وهتلقوا فيه مقتنيات مختلفة للفنون الإسلامية من الهند والصين وإيران والسعودية والشام ومصر والأندلس وحتى شمال أفريقيا، وشغالين من 9 صباحًا لـ4 عصرًا.

العنوان: ميدان باب الخلق، أمام مديرية أمن القاهرة.

دير سمعان الخراز

هو دير مشهور جدًا بجماله وقصصه العجيبة بداية من بناءه حتى الآن، وهو بيكون مفتوح يوميًا من 9 صباحًا لنهاية اليوم، والدخول مجانًا، وتقدروا تلعبوا هناك ألعاب الهواء “high ropes” اللي بتكون بالحجز وأسعارها رمزية.

العنوان: هضبة المقطم، المقطم.