The Definitive Guide to Living in the Capital , Cairo , Egypt

الحياة في كايرو

سويفل-Swvl … تجربة إيجابية مع شركة نقل جماعي مميزة في القاهرة

Swvl أبلكيشن تطبيق سويفل سويفل عربيات مواصلات القاهرة نقل جماعي
سويفل-Swvl … تجربة إيجابية مع شركة نقل جماعي مميزة في القاهرة
بواسطة
Mohamed Talaat

بعد ما أعلنت شركتي كريم وأوبر عن خدمتهم الجديدة لـ”الباص” علشان يخففوا من الزحمة وتوفير الأموال في المسافات البعيدة، قررنا في كايرو 360 نسلط الضوء على شركة رائدة قدمت قبلهم خدمة النقل الجماعي من خلال أبليكيشن، وهي شركة سويفل – Swvl .

طلبنا الخدمة من الدقي لمدينة نصر، وحددنا الوجهة من خلال الأبلكيشن اللي تقدر تنزله من الجوجل بلاي أو أبل ستور، وكانت الأجرة المقررة 21 جنيه للفرد، وظهر لنا رقم السائق والسيارة ونوعها ومحطة اللقاء قدام سينما التحرير الساعة 4:05.

الساعة 3:55 كلمنا السائق وطلبنا منه إننا نقابله في مكان هيعدي عليه إجباري فرفض وقال مقدرش أركب حد غير من النقطة المحددة في الأبلكيشن، ودي حاجة ماضيقتناش رغم إننا اتمشينا حوالي 10 دقائق، والساعة 4:05 كلمناه إننا موجودين ولكن الميكروباص “14 راكب” كان متأخر، ووصل لنا الساعة 4:12 بتأخير مدته 7 دقائق، ونظرًا للزحمة فده شيء مش وحش ومتفهمينه كويس.

ركبنا مع السائق، وكنا أول ناس، وسألنا على الكود بتاعنا وبلغناه بيه فبدأ الرحلة.

وكان وقت الوصول لمدينة نصر”سفارة الإمارات”، الساعة 4:44. عصرًا.

وقررنا كمان نرجع بباص تاني لنفس الخدمة علشان تبقى التجربة كاملة، واخترنا المرة دي ميني باص “كوستر” ، من أول عباس حتى ميدان التحرير، وسعر الرحلة المرة دي كان 30 جنيه.

لكن تجربتنا بشكل عام كانت إيجابية، كمان مستوى الخدمة كان جيد، وبننصح انكم تستخدموها لو مشواركم طويل، هتوفروا وقت وفلوس وهتوصلوا في وقت أقل من المواصلات العادية.

أجمل حاجة عجبتنا في التجربة هي إن سويفل بيغطي مناطق كتير في القاهرة، كمان جمهور الخدمة ناس لطيفة وفي حالهم يعني تقدر تقرأ كتاب براحتك في العربية من غير ما تتعرض لأي إزعاج.

ده غير إن سويفل عندهم أكواد كتير بتخليك تدفع سعر أقل بكتير. 

مقترح