Mohammed Sabry
مجلة “فوربس” الأمريكية عملت قائمة لأكثر الشباب تأثيرًا في العالم العربي تحت سن 30 سنة في مجالات مختلفة زي التكنولوحيا، إدارة الأعمال، التجارة، الرياضة، وغيرها كتير. القائمة دي شملت 8 شباب مصريين مميزين، هنعرفكم عليهم في السطور الجاية.
علي محمد
شاب عنده 23 سنة، مؤسس “VOUND Technologies”. اللي بتمكن المصابين بفقدان السمع من تصور الصوت، عن طريق إظهار موجات الصوت على شاشة عرض. وفاز بجوائز كتيرة.
مصطفى قنديل ومحمد نوح وأحمد صباح
مصطفى قنديل هو رئيس عمليات “اطلب”، ومطلق “كريم”. وأسس مع أصحابه نوح وصباح، شركة “SWVI”. اللي بتدعم تطبيق حجز الأتوبيس الخاص، اللي بتقدم رحلات أرخص 70% من المواصلات التانية.
نور أحمدين
واحد من أوائل موظفين “أوبر” في مصر، وكان المسؤل عن إنشاء وإطلاق المكتب. حاليًا هو رئيس تطوير التسويق والأعمال في الشركة من 2016.
مصطفى أمين ومحمد خيرت
بعد ثورة يناير، أسسوا “شوارع مصر”. ودي مؤسسة إعلامية هدفها جذب الناس، لاكتشاف ومناقشة مختلف القصص والقضايا في الشارع المصري.
رامي هلالي
رئيس ومؤسس شركة “Kotn”. اللي بتصنع الأقمشة والهدوم من القطن المصري. وبيبيع المنتجات إلكترونيًا.
هيثم عاصم
صاحب لقب “أصغر مخترع” في تاريخ IBM. حصل على أكثر من 35 براءة اختراع في مجالات المدن الذكية. وهو حاليًا مدير فني وكبير العلماء في IBM في دبلن.
مصطفى حمدان
مؤسس شركة “Recyclobekia”، اللي بتقوم بإعادة تدوير النفايات الإلكترونية وبيعها. ودلوقتي بتقوم بتدوير حوالي 70% من نفايات مصر. واتوسعت لتشمل الإمارات.
محمد صلاح
الغني عن التعريف صاحب الـ 25 سنة. لاعب نادي ليفربول، ومتصدر قائمة هدافي الدوري الإنجليزي. صاحب جائزة “الحذاء الذهبي” لأوروبا، اللي تم منحها لأفضل هدافي القارة الأوروبية.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
