The Definitive Guide to Living in the Capital , Cairo , Egypt

البنك المركزي المصري أعلن بشكل رسمي إنه هيطلق عملة من فئة الـ 10 جنيه في مصر، هتكون مصنوعة بالكامل من البلاستيك، وده هيحصل بعد الانتهاء مباشرة من عمل مطبعة البنك المركزي المصري الجديدة اللي هتكون في العاصمة الإدارية الجديدة.

وقال جمال نجم نائب محافظ البنك المركزي المصري، إن النقود البلاستيكية بتتميز بأنها 3 أضعاف العمر الافتراضي للنقود الورقية.

وشرح جمال نجم إن النقود البلاستيكية بتتميز بالمرونة والقوة، والسمك الأقل، وده بيتيح لها عمر افتراضي أطول بيوصل لنحو 5 أضعاف عمر الفئة الورقية اللي هي أصلًا مصنوعة من القطن.

العملة البلاستيكية الجديدة هتتميز كمان بأنها مقاومة للماء، وبتتأثر بشكل أقل بالأتربة، ده غير إنها صديقة للبيئة، لإنها بتلوث البيئة بدرجة أقل بكثير من النقود الورقية المتداولة، بالإضافة إلى صعوبة التزييف والتزوير.

ومصر مش هتكون أول دولة تطلق عملات من البلاستيك، مثلًا البنك المركزي الإنجليزي ضخ نحو 275 مليون جنيه إسترليني من فئة الـ10 جنيه المصنوعة من البلاستيك يوم 14 سبتمبر 2017.