The Definitive Guide to Living in the Capital , Cairo , Egypt

الخروجة العائلية دايمًا ليها طعم تاني عند المصريين. بنحب نخرج سوا، نضحك، نلعب، ونقضي يوم يبقى ذكرى حلوة لكل أفراد العيلة. وبما إننا في أجواء ربيع حلوة، دورنا على مكان يجمع ما بين الراحة والضحك واللعب، لقينا المكان اللي يلم العيلة كلها وتقضوا فيه خروجة كلها حب وبساطة: ريف السلطان.

هناك، هتستمتعوا بأجواء ريفية طبيعية، وأكل فلاحي طازة معمول بإيدين مصرية، وكمان أنشطة حلوة لكل الأعمار.

ريف السلطان عندهم وجبات إفطار سعرها 350 جنيه، وبتشمل فطير مشلتت بالزبدة الفلاحي، عسل، جبنة قديمة، جبنة بلدي طازة، بيض بلدي، عجة طعمية، فول بالتحويجة، خضروات طازة من المزرعة، كوباية شاي بالنعناع البلدي على الحطب، وزجاجة مية.

أما الغدا فعندهم وجبة ربع فرخة، طاجن بطاطس في الفرن، محشي مشكّل، رز بالشعرية، ملوخية، سلطة خضراء، كوباية شاي بالنعناع البلدي على الحطب، وزجاجة مية بسعر 450 جنيه للفرد، ولو هتزودوا لحمة على الوجبة دي بيكون سعرها 600 جنيه.

وكمان لو هتحجزوا الداي يوز كامل شامل الوجبات وركوب الخيل والجولة الريفية، بيكون سعر الفرد 800 جنيه، وكل أكلهم -بحسب تأكيدهم- بيتعمل بالزبدة الفلاحي والمكونات من خير مزارعهم.

مزرعة ريف السلطان بيكون عندهم أنشطة ركوب الخيل في الريف بسعر 100 جنيه للفرد، أما ركوب الخيل في الصحراء ومشاهدة الهرم الأسود، بيكون سعر الفرد 250 جنيه.

سياسة الأطفال في ريف السلطان بتكون مجانًا لحد عمر 6 سنين، ونص تذكرة لحد 12 سنة.

العنوان: منشأة دهشور – الجيزة.

رقم التليفون: 01026492537 – 01003626428

تقدروا تعرفوا أكثر عنهم من خلال صفحة الفيسبوك من هنا.