طلع النجم اللي جواك.. 5 أماكن لتعليم التمثيل في القاهرة
أماكن لتعليم تمثيل استديو الممثل تعليم تمثيل سينما فن مسرح ورش تمثيل
Cairo 360
كتير مننا عندهم هواية التمثيل، ولكن اللي بيلاقوا الفرصة أنهم يتعلموا تمثيل بجد قليلين، وده لأسباب كتير أهمها إنهم مايعرفوش كتير عن ورش التمثيل وأماكنها، فلو أنتم حابين تتعلموا التمثيل وتلبوا شغفكم وتطوروا مهاراتكم وتبدعوا فأكيد هتلاقوا اللي بتدوروا عليه في المقال ده، لأننا هنعرفكم على 5 أماكن ممميزة في القاهرة بتقدم ورش تمثيل بشكل احترافي، وبحسب تقرير حديث نشرته إنتربرايز، فكل مكان فيهم بيقدم تدريبات مناسبة لكل الأعمار وبأسعار متفاوتة.
عندهم نوعين من التدريب، الأول بيكون للمبتدئين وبيتم التركيز فيه على تمارين التنفس والتغلب على التوتر والارتجال، والتدريب الثاني بيكون لتطوير الشخصية والحوار بالإضافة إلى تأهيل المتدربيت للظهور على الشاشة.
العنوان: 124 شارع عثمان بن عفان، مصر الجديدة.
في ورش “ستارز ستوديو” هتتأهلوا أنكم تتقدموا لاختبارات على الشاشة مباشرة، وهتلاقوا فيها دورات أولية عن أساسيات التمثيل وبتكون مدتها 4 شهور، وهتلموا فيها كل حاجة، ده غير دورات تانية مدتها 3 شهور أو أقل بتخليكم تتقدموا في المستوى لحد ما توصلوا للتمثيل قدام الكاميرا بشكل محترف.
العنوان: فيلا 68، شارع 15 بالمعادي.
يعتبر لوك لينر من المدربين المميزين اللي بيساعدوا الممثلين في مختلف المستويات، وبيقدم دورات وورش عل للمبتدئين بتقدروا من خلالها تعرفوا قواعد أساسية في طرق التفكير في الشخصيات اللي بتقدموها والمشاهد والمواقف اللي ممكن تتعرضوا لها وطرق التصرف.
العنوان: 35 شارع مصر حلوان الزراعي بالمعادي.
بيتميز بالأسعار المناسبة، وعندهم ورش تمثيل بتعلمكم إزاي تعبروا عن الذات والتعامل مع الصراعات الداخلية للشخصيات، ومدة التدريب بتكون 5 أيام.
العنوان: 5 شارع ميشيل لطف الله – عمر الخيام بالزمالك.
بتقدم المدربة داليا صبور ورش عمل للدراما التفاعلية العلاجية، وبتعتمد على تفكيك الجوانب الخفية للمتدربين من خلال الحركة والارتجال وتقنيات المسرح التفاعلي علشان يخرج المتدربين في النهاية بوعي وإبداع يأهلم أنهم يشتغلوا في التمثيل.
العنوان: مركز دوار للفنون – وسط البلد.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
