عاوز تعمل موقع إلكتروني بنفسك؟ الإجابة هنا
Omar Yousry
إحنا خلاص عايشين في عصر المعلومات والتكنولوجيا والتواصل الاجتماعي بكل حواسنا، ومن المستحيل إنك تدور على أي حاجة على الإنترنت وماتعرفش توصلها، وبكده كل الناس عندها فرصة تسيب بصمتها على الشبكة العنكبوتية.
الفكرة هي إزاي تبدأ رحلتك مع تصميم المواقع؟ معظم الناس ماعندهمش أي فكرة عن الأكواد أو لغات البرمجة أو إيه هو HTML5.على العموم مافيش مشكلة، إحنا هنا جمعنا عدد من أحسن المواقع اللي بتساعدك تصمم موقعك الإلكتروني علشان تعمل مدونتك الشخصية أو موقع خاص بك أو حتى تبتدي مشروع صغير.
أنت هنا هتكون مسئول عن موقعك الإلكتروني، وهتقرر عايزه علشان إيه وإيه الهدف منه. من ناحية الاختيارات المتاحة فالعدد في الليمون، بس أول حاجة لازم تحددها هي هدفك من تصميم الموقع. أحلى حاجة في المواقع دي إنها بتخليك تقدر تجربها ببلاش. ركز معانا وشوف الكلام ده كويس علشان تقدر تقرر الموقع المناسب لطلباتك.
Wix مش بس أرخص موقع يساعدك تبني المواقع الإلكترونية على الإنترنت، هو كمان يعتبر من أحسنهم. Wix بتصميمه البسيط واستخدامه السهل والإعلان اللي عامله جيسون ستاثام وجال جادوت أكيد واحد من أحسن المواقع وأسهلها. الموقع كمان فيه مئات الأشكال اللي بتغطي مواضيع مختلفة، وتقدر تنزل نوع الخط اللي على مزاجك وكمان جمل متحركة.
أحسن حاجة: تقدر تتحكم بسهولة في تصميم موقعك.
أسوأ حاجة: اختيار اسم الموقع محتاج منك تركيز.
اضغط هنا وشوف تجربة عملناها بنفسنا
ا
يمكن الأشكال والتصميمات هنا أقل، لكن مع Strikinglyهتقدر تعدّل تصميمك بكل سهولة وتشغل موقعك بسرعة. صحيح الموقع سهل وبسيط، بس الموضوع محدود شويتين وخصوصًا إن فيه 20 شكل بس، فبالتالي من الصعب تاخد راحتك وتنفذ الشكل المطلوب للموقع.
أحسن حاجة: منتهى السهولة في الاستخدام.
أسوأ حاجة: أشكال قليلة وتصميمات محدودة.
اضغط هنا وشوف تجربة عملناها بنفسنا
السر هنا هو التصميم السهل وسهولة تعديل شغلك والأشكال الجميلة.Sitebuilder هيساعدك في كل مراحل التصميم وكمان هتلاقي فيه آلاف الأشكال، ونقدر نقول إنه من أكتر المواقع اللي فيها تنوع.
أحسن حاجة: استخدام سهل وتحكم كامل في تعديل تصميمك.
أسوأ حاجة: الأسعار غالية شوية لو بتفكر تصمم صفحة تجارية.
اضغط هنا وشوف تجربة عملناها بنفسنا
موقع weebly لتصميم المواقع بيستخدم تقنية تحريك تصميمك ويعتبر من أسهل المواقع بالنسبة للناس الجديدة. يمكن الموقع فيه حوالي٣٠ شكل بس كلهم تحفة. يمكن أدوات الإبداع هنا محدودة بس التحكم في تصميمك كويس.
أحسن حاجة: جايز الأشكال قليلة بس تصميمها عصري بالمقارنة مع باقي المواقع.
أسوأ حاجة: أشكال قليلة ووقت تحميل طويل.
نتيجة تجربتنا هتلاقيها هنا
مواقع مهمة:
صحيح موقع Squarespace.com مش مجاني بس أكيد هيبهرك، وتقدر تجرب الموقع القوي وأشكاله الساحرة بأسعار تتراوح بين 12-18 دولار.
ملحوظة: كل المواقع اللي اتكلمنا عليها بتتيح لك بناء موقعك بكل سهولة وتقريبًا ببلاش، بس هتحتاج تدفع فلوس لو عايز تشتري domain name. كل المواقع المذكورة بتقدم الخدمة دي بتكلفة، أو ممكن تشتريها من مواقع متخصصة زي Bluehost أو Ehost أو Ipage أو Godaddy بمصاريف شهرية/سنوية. بعد تنفيذ عملية الشراء تقدر تربط العنوان بموقعك.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
