عرض بـ 175 مليون استرليني من يوفينتوس لمحمد صلاح.. يا ترى هيوافق؟
أغلى لاعب في التاريخ أغلى لاعب في العالم الجارديان البريطانية باولو ديبالا صلاح ليفربول ماركو آسينسيو مو صلاح يوفينتوس
Omar Abd-elmaqsoud
“الجارديان” البريطانية النهاردة فجرت مفاجأة لعشاق ومحبي النجم المصري العالمي “محمد صلاح” ممكن تكون سبب في إن “صلاح” يسيب الدوري الإنجليزي وفريقه “ليفربول” ويروح للدوري الإيطالي مع “اليوفينتوس”.
المفاجأة كانت شديدة لحد الصدمة على جمهور “ليفربول” الإنجليزي، وخاصة بعد ما أكدت “الجارديان” الإشاعة اللي بتقول إن نادي “يوفنتوس” الإيطالي حط 175 مليون جنيه استرليني على الترابيزة، لـ “محمد صلاح” كعرض لاستقدامه للفريق في حالة إنه حب يسيب فريقه ليفربول الإنجليزي وينضم لصفوف “اليوفي”.
“اليوفي” قال في بيان ليه إنه في حالة انضمام “صلاح” لصفوفه، فهيكون بديل لـ”باولو ديبالا” اللي ماجابش غير جونين بس في 20 ماتش لعبهم للنادي الموسم ده وبالتالي وارد جدًا إننا نشوف صلاح مع اللاعب العالمي “كريستيانو رونالدو” في نفس الفرقة.
أما في حالة إن أبو صلاح رفض، فالفريق الإيطالي هيحاول مع “ماركو آسينسيو” لاعب “ريال مدريد” الأسباني، لكن القرار في النهاية يرجع لصلاح.
يا ترى صلاح هيعمل ايه؟
