عشق الأطعمة.. 5 أماكن بتقدم آيس كريم حكاية في القاهرة
Mohamed Talaat
الصورة الرئيسية لـRimsha Noor
مع الأجواء الصيفية اللي بتشهدها القاهرة الجو بيكون محتاج حاجة نرطب بيها على نفسنا والاختيارات كتير ولكن أجمل اختيار بيكون الآيس كريم المميز بأطعمة بنعشقها وبتخلينا نحس بانتعاش داخلي بما أن الآيس كريم من المرطبات المهمة للإنسان المصري في فصل الصيف وبننصح دايمًا لما تاكلوا آيس كريم تشتروه من أماكن بتصنعوا بنفسها مش جاهز ومعبأ، وعلشان كده النهاردة اخترنا لكم 5 أماكن من أفضل الأماكن اللي بتقدم آيس كريم حكاية في القاهرة.
جيلاتو ميو
لو بندور على مكان متخصص في الآيس كريم الايطالي بنكهات مبتكرة وطبيعية فجيلاتو ميو لازم يكون ضمن اختياراتكم وهما عندهم أطعمة مختلفة ومميزة وفروعهم منتشرة في أنحاء القاهرة.
العنوان: 6 شارع محمد مظهر – الزمالك.
تقدروا تعرفوا أكتر عنهم من خلال صفحة الفيسبوك من هنا.
جروبي
من أعرق وأقدم الأماكن اللي بتقدم آيس كريم في وسط البلد تحديدًا والقاهرة عمومًا، ومعروف عنهم الجودة والقعدة المميزة والطعم الحكاية، وبننصحكم تجربوا الكاساتا.
العنوان: 46 شارع عبد الخالق ثروت – وسط البلد.
تقدروا تعرفوا أكتر عنهم من خلال صفحة الفيسبوك من هنا.
فاريجاتو
عندهم آيس كريم بأطعمة بتتميز بأنها قليلة الدسم وغنية ولذيذة، وعندهم أكتر من فرع على مستوى القاهرة.
العنوان: طريق الشويفات – التجمع الأول – القاهرة الجديدة.
تقدروا تعرفوا أكتر عنهم من خلال صفحة الفيسبوك من هنا.
فروزي تويست
عندهم آيس كريم روول طعمه وسقعيته هينسيكم حر الصيف بأطعمة مختلفة ومتنوعة هتنسيكم حر الصيف.
العنوان: ١٤ عمارات السعودية – خلف سيتى ستارز.
تقدروا تعرفوا أكتر عنهم من خلال صفحة الفيسبوك من هنا.
ستافولتا
من أجمل الأماكن اللي بنرشحها لتجربة آيس كريم مميزو بأطعمة طبيعية مختلفة ومتميزة والجميل عندهم أنكم بتشوفوا الآيس كريم وهو بيتعمل مباشرة في منطقة التجهيز.
العنوان: 39 شارع 231 – دجلة المعادي.
تقدروا تعرفوا أكتر عنهم من خلال صفحة الفيسبوك من هنا.
مقترح
صحة ولياقة
فاكهة بطعم الذكريات وفوائد ما تتعدش.. اعرف ليه لازم تجرب التين الشوكي من عربيات الشارع!
أكلات الشارع المصري تين شوكي +7
معالم وسياحة
