The Definitive Guide to Living in the Capital , Cairo , Egypt

الحياة في كايرو

علشان لو عربيتك عطلت في أي مكان في القاهرة.. 3 أماكن بتقدم خدمة الصيانة المتنقلة

تغيير زيت خدمات الصيانة المتنقلة خدمة سيارات متنقلة صيانة عربية صيانة متنقلة للعربيات
علشان لو عربيتك عطلت في أي مكان في القاهرة.. 3 أماكن بتقدم خدمة الصيانة المتنقلة
بواسطة
Mohamed Talaat

كتير مننا بيقعوا في مشاكل طارئة مع عربياتهم، فجأة تسخن أو تكون نسيت تغير الزيت وممكن الفتيس يعلق أو الفرامل ماتشتغلش، وغيرها من المشاكل اللي ممكن عربياتنا تتعرض لها على الطريق، ولخطورة المشاكل الخاصة بالعربيات وأهميتها، هنقول لكم على السطور اللي جاية على 3 أماكن بيقدموا خدمة الصيانة الفورية في القاهرة وكمان عن طريق خدمة الانتقال لمكان العربية في أي مكان في القاهرة، يعني الفني هيجيلكم لحد عندكم علشان يساعدكم في تصليح عطل العربية مهما كان.

Quick Oil Center

هو مركز خدمة متكامل بيقدم خدمة صيانة العربيات لحد عندكم من خلال توفير عربية صيانة بتتنقل لمكانكم علشان تعمل الخدمات اللي محتاجينها، ومن الخدمات بتاعتهم في الصيانة المتنقلة تغيير زيوت المتور والفتيس، وتغيير فلاتر وسيور وبوجيهات وتيل الفرامل، وحل مشاكل البطارية، تركيب أجهزة الـGPS.

وتقدروا تتواصلوا معاهم من خلال رقم التليفون: 01001900954.

وعلشان تعرفوا أكتر عنهم وعن خدماتهم تقدروا تزوروا صفحتهم على الفيسبوك من هنا.

MBR Car Service

من شركات الصيانة اللي بتقدم خدمة الصيانة المتنقلة للعربيات “دليفري”، وبيقدموا خدمات تغيير “زيت – كاوتش – تيل – فلاتر – سير – بوجيه” وغيرها من الخدمات الضرورية لأي عربية وحتى الأعطال الصعبة.

وتقدروا تتواصلوا معاهم من خلال رقم التليفون: 01018200182

وتقدروا تعرفوا أكتر عن خدماتهم من خلال صفحة الفيسبوك من هنا.

صلحها

هو تطبيق متخصص بتطلبوا من خلاله تغيير الزيت أو الفلاتر وزيت الفتيس والفرامل، وتيل الفرامل وغيرها من الخدمات اللي بتحتاج متخصصين.

تقدروا تتطلبوهم من خلال تحميل التطبيق لمستخدمي نظام تشغيل أندرويد من هنا.

ولمستخدمي نظام تشغيل iOS تقدروا تحملوا التطبيق من هنا.

مقترح