عيش المغامرة.. لو قلبك جامد جرب تهرب من The Devil’s Palace!
The Devil’s Palace ألعاب إثارة ألعاب مغامرة ألعاب هروب ألغاز الجن العاشق القصر الملعون بيت الرعب تجربة تفاعلية تجربة رعب تحدي تحدي الذكاء خروج غير تقليدي خروجات القاهرة رعب واقعي غرفة هروب قصر الرعب لغز مصر الجديدة مغامرة هروب من الغرفة
Mohamed Talaat
لو بتحب الإثارة والتشويق، وبتدور على خروجة مختلفة ترفع فيها الأدرينالين، يبقى لازم تجرب The Devil’s Palace! المكان ده مش مجرد لعبة هروب عادية، دي تجربة واقعية هتعيشك 90 دقيقة من الرعب والتحدي جوه قصر مليان ألغاز وغموض، وكل اللي مطلوب منك إنك تحل اللغز علشان تخرج قبل فوات الأوان!
3 مغامرات.. هل تقدر تهرب؟
القصر فيه 3 غرف، وكل غرفة ليها قصة مرعبة لازم تحلها:
“نجية والجن العاشق”
مهمتك هنا إنك تنقذ “نجية”، العروسة اللي الشيطان وقع في حبها وحوّل بيتها لبركة دم! هل تقدر تواجه الجني العاشق وتحررها؟
“القصر الملعون”
في القصة دي، هتساعد “ديفيد” يتخلص من لعنة القصر، وتواجه مملكة الجن اللي مسيطرة عليه.. بس خلي بالك، أي خطوة غلط ممكن تخليك جزء من اللعنة للأبد!
“سجين”
هنا التحدي هو إنقاذ “داسم”، الطفل اللي محبوس بسبب أعمال سفلية حصلت في قبو عجوزة شريرة.. هل تقدر تحرره قبل ما تتحول الضحية الجاية؟
تفاصيل الحجز والموقع
اللعبة لـ5 أشخاص على الأقل، وسعر التذكرة 300 جنيه للفرد.
متاحة يوميًا من 3 عصرًا لـ6 صباحًا.
العنوان: 17 شارع غينيا، متفرع من شارع بيروت، مصر الجديدة.
وتقدروا تعرفوا أكتر عنهم من خلال صفحة الفيسبوك من هنا.
وأخيرًا..
لو شايف نفسك شجاع بما فيه الكفاية، اجمع فريقك وعيش المغامرة.. بس السؤال هو: هل هتقدر تخرج؟
مقترح
فن وثقافة
"نيفاتا".. عروسة مصرية هتاخدك في جولات سياحية من نوع خاص!
الثقافة المصرية الذكاء الاصطناعي +12
معالم وسياحة
