عيش مغامرة فوق جبال القاهرة… استكشف الـ High Ropes في دير سمعان بالمقطم
Zip Line المقطم ألعاب High Ropes أماكن الخروج في القاهرة أماكن المغامرة بالقاهرة أنشطة ترفيهية في المقطم تسلق الصخور في مصر دير سمعان المقطم مغامرة في القاهرة
Mohamed Talaat
الصور: صفحة Mario High Ropes Team
لو أنت من عشاق المغامرة، النط من المرتفعات، أو الشعلقة على الحبال، يبقى تجربة الـ High Ropes في دير سمعان الخراز بمنطقة المقطم هتكون الوجهة المثالية لك.
المكان موجود بعد عزبة الزبالين في المقطم، وبمجرد ما توصل اسأل الأمن عن منطقة ألعاب الـ High Ropes اللي بيديرها “ماريو”، الكندي اللي عايش في مصر بقاله 25 سنة. لازم تتصل بيه قبل ما تروح عشان تتأكد إنه موجود (رقمه: 01200140662).
منطقة الألعاب دي كلها حبال وسط الجبل، وتقدر تدخلها ببلاش للتصوير أو القعدة، وبعدين تقرر تلعب أو لأ. متوسط سعر الألعاب معقول جدًا، وكل لعبة ليها لبس أمان خاص بيك: خوذة، شورت، وحزام.
لو بتحب المغامرة والإثارة… دير سمعان بالمقطم مستنيك!
أشهر الألعاب في المكان:
Zip Line: تزحلق من فوق برج على حبل وتشوف المقطم من منظور الطيور.
تسلق الصخور: اختبر لياقتك وأوصل لأعلى نقطة علشان تضرب الجرس.
الحبال المنخفضة: امشي على جسور وحبال وحافظ على توازنك.
لعبة الإثارة: أصعب وأمتع لعبة… تنقل بين الحبال كأنك طرزان.
الوصول للمكان:
من السيدة عائشة هتركب عربية لدير سمعان، وبعدها توك توك لحد باب المكان.
المكان مفتوح كل يوم ما عدا الأحد، ولازم لبس رياضي، وأقل من 18 سنة محتاج ولي أمر يوقع إقرار إنك سليم صحيًا.
صفحتهم على فيسبوك: Mario High Ropes Team
مقترح
الحياة في كايرو
عيش مغامرة فوق جبال القاهرة… استكشف الـ High Ropes في دير سمعان بالمقطم
Zip Line المقطم ألعاب High Ropes +6
صحة ولياقة
دليل النجاة من حر القاهرة… نصائح مهمة للتعامل مع الموجة الحارة
أجواء القاهرة الحارة التغير المناخي +6
أفلام
