The Definitive Guide to Living in the Capital , Cairo , Egypt

صعب أننا نتخيل القاهرة بدون حديقة حيوان، لأنها من أهم المزارات اللي بنصنع فيها أجمل ذكريات، ولكن بسبب عدم الإهتمام بيها أصبحت في حالة مش أحسن حاجة، وده اللي خلى الدولة تسعى لتطويرها، ولذلك متوقع أنها تتقفل في وقت قريب لمدة سنتين للتطوير علشان ترجع أحسن من الأول وبشكل مناسب للحيوانات، وعلشان كده هنعرفكم على البدائل اللي موجودة في مصر، واللي تقدروا تزوروها في أي وقت وتلعبوا مع الحيوانات الأليفة وتتصوروا معاها كمان.

أفريكانو بارك

من أهم الأماكن اللي لازم تزوروها، وهي موجودة في طريق الإسكندرية، وعبارة عن حديقة كبيرة مفتوحة وتقدروا تأكلوا الحيوانات كمان، وفيها حيوانات وأنشطة كتير مميزة مش هتملوا منها، زي السفاري والجولات في الغابة المفتوحة واستئجار مركب، الصيد، اللعب مع القرود، وغيرها من الأنشطة المميزة.

دخول أفريكانو بارك بيكون بالسيارة وسعر الدخول 800 جنيه مهما كان العدد، والميكروباص 1400 جنيه، وأكثر من 28 فرد سعر التذكرة 55 جنيه.

تقدروا تعرفوا أكتر عنهم من خلال صفحة الفيسبوك من هنا.

Tiba roze

هي ميني حديقة حيوانات ولكنها أكيد هتكون مفيدة، وهي موجودة داخل فندق طيبة القاهرة الجديدة، وموجود فيها مجموعة حيوانات لطيفة وأليفة وتقدروا تأكلوها وعلبة الأكل بـ10 جنيه، وكمان تتصورا جنبها، وممكن تتصورا مع العصافير بتذكرة منفصلة بسعر 15 جنيه، والنسر بسعر 50 جنيه، مع العلم الأسعار هناك في الأكل والشرب رخيصة ومناسبة للجميع، وشغالين دايما من 9 الصبح حتى 10 مساءً.

ودخول الحديقة والفندق بيكون سعرهم للفرد 40 جنيه، وللعربية 20 جنيه.

تقدروا تعرفوا أكتر عنهم من خلال صفحة الفيسبوك من هنا.

فاميلي بارك

من أشهر الحدائق اللي موجودة في القاهرة وبالتحديد منطقة الرحاب، وعندهم مجموعة متميزة من الحيوانات الأليفة اللي تقدروا تتفرجوا عليها وتتصورا وتلعبوا وتأكلوها كمان، وهما شغالين يوميًا من 9 صباحًا حتى 11 مساءُ، وتذكرة الدخول للحديقة بتشمل الدخول وحديقة الحيوان والسفاري وبانورما الأسلحة و3 ألعاب، ومسموح بدخول الأكل بتذكرة سعرها 20 جنيه.

أسعار التذاكر بتكون من الأحد للأربعاء 70 جنيه، ومن الخميس للسبت 80 جنيه.

تقدروا تعرفوا أكتر عنهم من خلال صفحة الفيسبوك من هنا.