The Definitive Guide to Living in the Capital , Cairo , Egypt

زمان كانت لمة العيلة كل جمعة وإجازة وسط الحبايب والأجيال اللي بتسلم بعض حاجة مهمة ومتميزة وهي التواصل بينهم، ودي زرعت في الجيل القديم ترابط أسري، ولكن حاليًا اللمة دي اختلفت ومبقتش زي زمان إلا في الخروجات اللي بتكون زيها زي لمة البيت ولكن في أماكن مفتوحة وفيها أنشطة تناسب كل الأعمار، والخروجة العائلية رغم أنها بتكون أوقات كتير محدودة بالأبوين والأبناء، لكن في بعض الأحيان بتجمع العيلة وخاصة في المناسبات، وعلشان كده النهاردة هنقولكم على 5 أماكن تقدروا تخجوا فيهم خروجات تتجمعوا فيها وتفتكروا أيام اللمة الحلوة وتحكوا عنها للأحفاد.

فاميلي لاند

فيها سينما ومطعم وألعاب كتير زي البولينج والتزلج على الجليد وبلياردو وألعاب فيديو جيم وترامبلين وعربيات وغيرها، والسن هنا مش هيفرق علشان فيه ألعاب لكل الأعمار، وبصراحة أنا بروح هناك ألعب قبل الأطفال اللي معايا وخاصة العربيات والدخول مجانًا وأسعار الألعاب مختلفة.

العنوان: 11 أبراج عثمان – المعادي.

رقم التليفون: 01002584606  – 0225243400

فاميلي بارك

المتعة الحقيقية في خروجة فيها شمس وهواء وخضراء وأنشطة، وده موجود في فاميلي بارك للكبار والصغار بمساحات كبيرة وأنشطة زي النهر السحري، حديقة حيوان، سفاري، ملاعب مفتوحة، مطاعم وكافيهات، مراكز ثقافية وتعليمية.

العنوان: مدخل الرحاب 2 – طريق السويس.

رقم التليفون: 01159661881 – 01114406741

الحديقة الدولية

من أشهر الحدائق العائلية اللي تنفع لخروجات الأسرة وخاصة انها حديقة متطورة فيها مسار ركوب للعجل والسكيرت والجري والتزلج، ده غير الطبيعة الخلابة المتميزة والملاهي وملاعب كرة القدم والمطاعم والكافيهات، وفيها شوية حيوانات أليفة وأعاب حركية للأطفال.

العنوان: شارع عباس العقاد – مدينة نصر.

رقم التليفون: 0223826579

دريم بارك

زمان كانت دريم بارك طفرة في الخروجات العائلية حصلت خلال التسعينات، وهي الوجهة الأولى للمتعة اللي بجد وخاصة لمحبين المغامرة والأدرينالين العالي لأن فيها ألعاب تناسب كل الأعمار ومناسبة جدًا لكل الأشخاص، ومهما كان اهتمامكم هتلقوا اللي يبسطكم.

العنوان: طريق الواحات – 6 أكتوبر.

رقم التليفون: 19355

متحف الأوهام

من اسمه كده نقدر نقول انه حاجة وهم وحكاية تستاهل الزيارة، لأن فيه الأطفال هيفقدوا عقلهم من المتعة والكبار هينبهروا بالتفاصيل، وهو أول مكان في مصر يعتمد على الخدع البصرية للتصوير، وفيه أكتر من 70 خدعة بصرية.

العنوان: طريق مصر إسكندرية الصحراوي – الشيخ زايد.

رقم التليفون: 01275700000