فرحك قرب؟ دليلك لأقوى 10 مصورين أفراح في القاهرة
تصوير أفراح جلسات تصوير دليل للأفراح صور أفراح صور فرحك مصورين أفراح مصورين القاهرة موسم الأفراح
Cairo 360
الأفراح تعتبر من أسعد المناسبات، ومن أهم الحاجات في الأفراح الصور الحلوة. وما فيش شك إن المصور هو المسئول الأول عن الاحتفاظ بذكريات أهم يوم في حياتك. اللقطة الحلوة مالهاش مثيل. لكن إنك تلاقي مصور محترف ومميز دي حاجة مش سهلة..علشان كده وفرنا عليك التعب واللف وعملنالك دليل فيه أقوى 10 مصورين أفراح في القاهرة.. مستني إيه؟ شوف السطور الجاية فورًا.
سبلاش عندهم عدد من باقات الأفراح، منها باقات بتشمل جلسة تصوير مدتها نصف يوم، كمان فيه باقات لتصوير أحداث ما قبل الفرح وتغطية اليوم كله مع فيلم فيديو، وتعتبر سبلاش من شركات التصوير الكبيرة اللي اشتغل فريق عملهم في أفراح ومناسبات في بلاد زي تركيا والإمارات وأمريكا.
هو رجل الكاميرا الأول في عشرات من جلسات تصوير المشاهير، وكمان قدم عدد من أحلى صور عروض الأزياء والإعلانات، الرجل ده هو أبو سمره اللي يقدر كمان يعمل صور فرح مالهاش مثيل.
يعتبر عمار الحمصاني من أحسن الاختيارات اللي معانا، وممكن تتفق معاه على جلسة تصوير قبل الفرح وتصوير يوم الفرح بالكامل، أو التصوير بس يوم الفرح.
عز ستوديوز بيقدموا باقات أفراح متنوعة منها الباقة البرونزية (صور الفرح + حفلة الفرح) لمدة 6 ساعات، والباقة البرونزية (صور الفرح + حفلة الفرح) لمدة 8 ساعات.
تأسست إم بي ستوديوز MP Studios سنة 2010، وبيقدموا باقات تصوير أفراح تشمل تصوير طول اليوم.. والسعر بيختلف على حسب حجم الفرح وعدد المصورين اللي بيغطوا اليوم. الاستوديو كمان عامل باقات بتشمل تصوير جزء من اليوم زي الحفلة أو جلسة تصوير بملابس كاجوال وغيرهم، وبكده العريس والعروسة يقدروا يختاروا اللي يناسبهم.
ثري بي فوتوجرافرز 3B photographers
فريق ثري بي فوتوجرافرز المكون من ثلاثة مصورين محترفين جاهزين يعملوا من فرحكم يوم ممتع وذكري سعيدة تعيش معاكم طول العمر، وبيعرضوا عدد كبير من الباقات بأسعار مختلفة، شاملة جلسة تصوير قبل الفرح وحفلة الزفاف وألبوم صور كامل وبوسترات وغيرهم.
جورو فوتو هاوس Guru Photo House
نحب نعرفكم بواحدة من أقوي وأحرف شركات التصوير وهي جورو فوتو هاوس، واللي ليهم شنة ورنة في عالم التصوير وطبعًا كله بثمنه. عمومًا لو قررت تختار جورو، أكيد هتحصل على حاجة مبتكرة. الأسعار بتختلف على حسب طلبات العريس والعروسة.
صور أندي جبرا في الأفراح تشعر فيها بنوع من التلقائية والألفة، ومختلفة عن الشكل التقليدي للصور. وباقات التصوير بتكون شاملة تغطية كاملة ليوم الفرح وطباعة صور عالية الجودة.
صور منجاوي واضح فيها الاختلاف في الستايل، وبيحاول يحافظ في صوره على البساطة والأناقة في نفس الوقت.
فريق Bullseye Photographyبيتكون من مصورين محترفين من مصر وأمريكا، وباقات تصويرBullseye Photography هتضمن لك فرح مميز هتعيش معاك صوره طول العمر.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
