The Definitive Guide to Living in the Capital , Cairo , Egypt

كرة قدم الرجبي، أو زي ما هي معروفة “الرجبي”، هي لعبة عالمية مشهورة وبتتلعب في دول كتيرة زي: بريطانيا، أستراليا، نيوزيلاندا، وغيرهم. وموجود منها فرق كتيرة في مصر، منهم فريق Transforma Panthers للبنات. تعالوا نتعرف عليه:

الفريق بدأ في أغسطس 2014 في الـ GUC. وكان اسمه GUC Panthers. لعب أول مبارة ودية له في الـ AUC.

أول بطولة رسمية للفريق كانت في AUC برضه، في أكتوبر 2015. وكان مشارك فيها فرق كتيرة زي القاهرة والإسكندرية. وفاز Transforma بالمركز الأول بالنقط. لكن فريق AUC هو اللي حصد اللقب بعدد المحاولات.

الفريق شارك في بطولة “Dubai 7” في ديسمبر 2015. ودي كانت أول مشاركة في بطولة دولية ليهم.

بعد ما تم إشهار الاتحاد المصري للرجبي رسميًا في أبريل 2017، استلم الفريق أول كأس رسمية في مصر من رئيس الاتحاد.

من ساعتها الفريق ماخسرش أي بطولة أو موسم. بمجموع 9 بطولات تحديدًا.

بداية من أكتوبر 2017، الفريق غير اسمه من GUC Panthers لـ Transforma Panthers.