The Definitive Guide to Living in the Capital , Cairo , Egypt

سنة 1977 تم اختيار يوم 18 مايو من خلال اللجنة الإستشارية بالمجلس الدولي للمتاحف، علشان يكون يوم عالمي لمتاحف العالم، وده لزيادة الوعي عن المتاحف وتعريف الناس بيها، وده لأنها تعتبر مؤسسات تربوية وتثقيفية تجمع ما بين الماضي والحاضر وكمان لترسيخ الهوية ونشر الوعي.

بالمناسبة دي قررنا نعرفكم على 5 من أهم متاحف القاهرة، واللي تقدروا تزوروهم في المواعيد الرسمية.

المتحف المصري

هو واحد من أشهر المتاحف العالمية، وتم افتتاحه في مقره الحالي في قلب ميدان التحرير سنة 1903، وبيحتوي على مجموعة عظيمة من الآثار المصرية اللي بتحكي كتير عن تاريخنا وحضارتنا.

المتحف القومي للحضارة

أحدث متحف في مصر، وأفخمها حتى الآن، وموجود في منطقة الفسطاط بمصر القديمة، والعالم كله شاهد الموكب الجنائزي لنقل التوابيت له من المتحف المصري وظهر فيها روعة وجمال المصريين وحضارتهم، وبيضم آثار من حقبات مختلفة وأفتتح عام 2021.

متحف الفن الإسلامي

هو أكبر متحف إسلامي في العالم، بيضم مجموعات متنوعة من الفنون الإسلامية المختلفة من دول العالم، وعلى الرغم من أن فكرة إنشاء المتحف كانت عن طريق الخديوي إسماعيل إلا أنه أفتتح في عصر الخديوي توفيق داخل مسجد الحاكم بأمر الله، قبل بناء المتحف الحالي بمنطقة باب الخلق في عهد الخديوي عباس حلمي عام 1903.

المتحف القبطي

يعتبر ده أكبر متحف للآثار القبطية المصرية في العالم، وهو موجود داخل حصن نابليون وكانت بداية المتحف على يد الفرس وتم تطويره في عهد الإمبراطوريين الرومانيين، وبعدها أباطرة الرومان عملوا نقلة كبيرة لجمع الآثار القبطية واللي كانت في قاعة داخل المتحف المصري، قبل إفتتاح المتحف الحالي بعد سعي مرقس باشا سميكة عام 1910.

متحف المركبات الملكية

المتحف ده من أعرق المتاحف على مستوى العالم، وهو مخصص لعرض وحفظ المركبات الملكية لأسرة محمد علي، وبداية فكرة إنشاء المتحف كانت في عهد الخديوي إسماعيل، وكان اسمه “مصلحة الركائب الخديوية”، وتم تغيير الإسم في عهد الملك فؤاد الأول علشان يبقى “إدارة الإسطبلات الملكية”، وتم تحويله لمتحف تاريخي بعد ثورة 1952.