The Definitive Guide to Living in the Capital , Cairo , Egypt

يوم الجمعة، 13 أغسطس 2021، كانت ذكرى وفاة نموذج مصري وطني مهم، وهو طلعت حرب مؤسس بنك مصر وصاحب المبادرة العظيمة لدعم الاقتصاد المصري من خلال بدعم البنوك الوطنية وإنشاء كتير من الشركات اللي ساهمت في تنشيط الاقتصاد، ودي الذكري الـ 80 لوفاته.

اتولد “طلعت حرب” الملقب بأبو الاقتصاد  في 25 نوفمبر 1867، ورحل عن عالمنا سنة 1941م، واسمه بالكامل هو محمد طلعت بن حسن محمد حرب، من مواليد محافظة القاهرة، واتخرج في مدرسة الحقوق سنة 1889. شارك في ثورة 1919 وبدأ بعدها في السعي لإنشاء  بنك وطني للتحرر من الاحتكار المصرفي الأجنبي، وفي سنة 1920 أسس بنك مصر اللي كان نواة لنهضة اقتصاد بلدنا، ده غير إنه أنشأ شركات لدعم الصناعة المصرية وتحريرها من سيطرة الأجانب.

بالمناسبة دي هنكلمكم أكتر عن واحد من أشهر شوارع وسط البلد، وهو شارع طلعت حرب اللي بيحمل اسم أبو الاقتصاد المصري، وده من خلال 5 معلومات عن الشارع المهم ده.

1 – شارع طلعت حرب هو واحد من أهم وأشهر الشوارع بالقاهرة، بيقع في منطقة وسط البلد وبيمتد من ميدان التحرير مرورًا بميدان طلعت حرب وبتوصل نهايته لشارع 26 يوليو.

2 – ميدان طلعت حرب له حكاية مهمة، بترجع لما كان الخديوي إسماعيل بيحلم يخلي القاهرة مدينة تنافس باريس في تخطيطها ومبانيها، وللسبب ده جاب المهندسين الإيطاليين والفرنسيين لبناء مباني وعمارات علي الطراز الأوروبي والفرنسي، وبعد الانتهاء من تشييدها اتسمى الشارع والميدان بشارع وميدان سليمان باشا نسبة إلى سليمان باشا الفرنساوي مؤسس الجيش المصري أثناء عهد محمد علي تكريمًا له، وتم إنشاء تمثال له بوسط الميدان.

3 – فضل الشارع والميدان باسم سليمان باشا لحد ثورة يوليو سنة 1952 اللي قررت التخلص من كل الرموز من العهد البائد، وقامت بنقل تمثال سليمان باشا إلى المتحف الحربي بالقاهرة، وحطت بداله تمثال للاقتصادي المصري طلعت حرب، وتم تسمية الشارع والميدان باسم ميدان طلعت حرب من وقتها ولحد النهارده.

4 – شارع وميدان طلعت حرب مليانين مباني مهمة وتاريخية وليها حكايات عظيمة، زي مقهى ريش، مسرح وسينما راديو، عمارة يعقوبيان، عمارة الشرق للتأمين، عمارة جروبي، سينما مترو، سينما ميامي.

5 – طول الشارع 3 كم، وعرضه 12 م.

 

وأخيرًا..

دائمًا وأنت ماشي في شارع طلعت حرب.. حس بالفخر!