Mohammed Sabry
كل واحد فينا بيحب يقضي ليلة الكريسماس بطريقته الخاصة. فيه اللي بيخرج مع أصحابه، في اللي بيحضر حفلة ويسمع مزيكا، أو اللي بيأنتخ في البيت.
لكن موقع “Relationship Rules” قسِم خروجات الكريسماس، حسب برج كل شخص. ووضح صاحب كل برج ممكن يروح فين في ليلة الكريسماس:
الحمل
شخصية محبة للسفر والانطلاق، وماتحبش قعدة البيت خصوصًا في الأجازات. وده يخليها تقضي الكريسماس في مكان على البحر، أو طبيعة فيها خضرة ومساحات واسعة. وكمان أنشطة الغوص وصيد السمك وركوب الخيل.
الثور
برج عاطفي وشجاع. وده بيدفعه لمكان فيه طبيعة مختلفة وأجواء مغامرات. هيكون الكريسماس بتاعه في مكان فيه تلج ومطر.
الجوزاء
بيزهق من الأماكن المعتادة بسرعة. علشان كده بيدور على المولات التجارية اللي فيها مغامرات جديدة. وبيحب يصرف فلوس كتيرة، خصوصًا في الكريسماس.
السرطان
بيدور على البحر بشكل مستمر. علشان كده هيبقى هدفه رحلة لمكان على البحر مع أصحابه. خصوصًا لو بحر موجه عالي.
الأسد
بيحب المكان المشمس والطبيعة المختلفة. بالنسبة له الأجازة في حديقة مع مناظر طبيعية خلابة، مفيش أحسن منها.
العذراء
السنة دي برج العذراء بيدور على مكان تاريخي، فيه تفاصيل أثرية من ثقافة عريقة. علشان كده أنسب مكان له هو المتاحف الأثرية، أو الجبال الأثرية.
الميزان
بيحب الترفيه لكن بهدف محدد. فأنسب حاجة له هي رحلة في البحر، مع برنامج للتجول في المعالم المهمة.
العقرب
بيدور على الأجواء الرومانسية، اللي مفتقدها من زمان. ده هيخليه يميل للأماكن المريحة للأعصاب، اللي فيها مزيكا هادية.
القوس
رغم طبيعته الرومانسية، إلا إنه هيدور على حاجة مختلفة السنة دي. يعني ماتستغربش لما تلاقيه بيدور على أماكن فيها براكين مثلًا.
الجدي
بيفكر في الكريسماس بشكل واقعي جدًا. علشان كده هيجهز برنامج متكامل لرحلة ترفيهية برة البيت.
الدلو
بيدور على السلام النفسي والطاقة الإيجابية جواه. ده هيخلي هدفه مكان فيه شلالات مياه، وطبيعة مختلفة عن اللي متعود عليه.
الحوت
الكريسماس بتاعه هيكون في مكان هادي ومريح للأعصاب. القعدة قدام البحر ومفيش ناس كتيرة، هي أحسن فكرة. علشان يقدر يصفي دماغه خالص.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
