الحياة في كايرو
قريباً.. تطبيق الدفع الإلكتروني في أتوبيسات هيئة النقل العام
أتوبيسات الدفع الإلكتروني المواصلات العامة هيئة النقل العام
بواسطة
Omar Abd-elmaqsoud
علشان نبقى متابعين للتطورات من حوالينا، وللأهمية اللي بتلعبها التكنولوجيا في حياتنا، مهم نعرف إن هيئة النقل العام في القاهرة قررت إنها تدرس تطبيق عملية الدفع الإلكتروني في أتوبيسات الهيئة خلال الفترة اللي جاية، وده علشان تحاول تقلل من الخساير اللي بتتعرض لها الهيئة بسبب الاختلاسات في التحصيلات.
رئيس هيئة النقل العام اللواء “رزق علي” كان قال إن برغم التكلفة العالية لمنظومة الدفع الإلكتروني، إلا إن الهيئة هتسعى لتطبيقها على أمل توفير 20% من الخساير اللي بتتعرض لها الهيئة خلال الفترة الأخيرة.
رئيس الهيئة أكد على إن في فعليًا عدد كبير من الاختلاسات بتحصل في التحصيل وفي الهيئة، وده اللي خلى الهيئة أحالت 2000 حالة مؤخرًا للنيابة العامة.