قريبًا.. هتقدر تقوم برحلة تاريخة مدهشة بمركب خوفو
المتحف المصري الكبير متاحف جديدة في مصر متاحف مصرية متحف مركب خوفو مركب خوفو
Mohamed Talaat
بعد أسابيع قليلة، هتقدروا تقوموا برحلة تاريخية بمركب خوفو العظيمة. المركب مش هتتحرك بيكم في المياه، لكنها هتتحرك بيكم في الزمن وهتنقلكم لعالم مدهش هنشوف فيه عبقرية قدماء المصريين، طيب هنقدر نشوف مركب خوفو فين؟ في متحف خوفو، اللي أعلن اللواء عاطف مفتاح، المُشرف العام على المتحف المصري الكبير والمنطقة المحيطة بيه، أنه هيكون جاهز لاستقبال الزوار قريبًا جدًا.
تعالوا نتعرف أكتر على أحدث مستجدات العمل في متحف خوفو، واللي هيكون جزء مهم من المتحف المصري الكبير.
متحف مركب خوفو
المُشرف العام على المتحف المصري الكبير، أعلن أنه تم الانتهاء من أعمال الهيكل الإنشائي والواجهات الخارجية لمتحف مراكب خوفو بنسبة 100%.
وبحسب عاطف مفتاح، وصل حجم الإنجاز في تنفيذ أنظمة الاتصالات والتأمين ICT إلى 95%، أما بخصوص نسبة إنجاز الأعمال بالمبنى الرئيسي والموقع العام فوصلت إلى إلى 99.8 %..
وكانت وزارة السياحة والآثار، نقلت موكب مركب الملك خوفو من الأهرامات إلى المتحف المصري الكبير، خلال شهر أغسطس اللي فات، في موكب كبير.
وكان متحف خوفو القديم بيضم سفينة الملك خوفو، اللي تم اكتشافها في حالة جيدة، وبيعود تاريخ المركب دي إلى عصر الدولة القديمة.
ومركب خوفو عُثر عليه في سنة 1954 مدفون في حفرة عميقة على الجانب الجنوبي من الهرم، وهو جزء من الأثاث الجنائزي الخاص بالملك خوفو.
وألواح المركب مصنوعة من خشب الأرز الذي استورد من الشام بسبب عدم وجود خشب بناء جيد في مصر، والألواح دي مربوطة مع بعضها بالحبال.
في متحف خوفو الجديد اللي هيتم افتتاحه قريبًا هنستمتع بمشهد المركب العظيم بأسلوب عرض حديث ومتطور.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
